Confessions of a bored housewife

Einmitt.

Núna er kominn sá tími þar sem mestur glansinn er farinn af fæðingarorlofinu. Enda er það búið og ég ætti að vera farin að vinna eitthvað.. En vinnan lætur standa á sér og konunni er farið að leiðast smá..

En svona til að viðhalda geðheilsunni þá er ég alltaf með prógram fyrir hvern dag sem mér tekst yfirleitt alltaf að halda (jei me). Prógramið lítur einhvern veginn svona út (ég geri mér vel grein fyrir því að þetta býður upp á alls konar skot á mig en so be it..)

Mánudagur

Atvinnuleitardagur. Sæki um vinnu hér og þar og lately.. alls staðar.

Þriðjudagur

Sturtudagur. Ekki í venjulegum skilningi heldur í gera-upp-sturtu skilningi. I know this sounds pathetic en ég er kítta á milli flísanna í sturtunni því gamla kíttið er orðið sjúskað. Sumir myndu stinga upp á að endurflísaleggja en Svanur er að tala um að taka baðherbergið í gegn á næstunni þannig að það er ástæðan..

Miðvikudagur

Ditti að einhverju heima. Í gær málaði ég t.d. yfir bletti í forstofunni og milliveggnum inni í stofu. Fer kannski í Hreyfingu.

Fimmtudagur

Á fimmtudögum fer ég til ma+pa og þríf þar fyrir pening. Á góðum degi tekst mér að fara í yoga tíma líka.

Föstudagur

Bæjarferðardagur. Hitti Beggu oftast á kaffihúsi niðrí bæ (hún kemst reyndar ekki í dag). Stundum fer ég á Hans Petersen og læt framkalla myndir. Oftast af Mána. Kem oftast við í Bónus. Reyndar fer í Bónus næstum á hverjum degi þar sem aðeins takmarkað magn af vörum kemst fyrir undir vagninn..

Flesta virka daga horfi ég á East Enders á BBC prime áður en ég sæki Óla. Er þó alveg hætt að drífa mig heim svo ég missi ekki af því..

Laugardagur og sunnudagur

Fjölskyldudagar.

Jæja, hreinskilningslegar játningar komnar í netheima. Reyndar er Máni að fara byrja í ungbarnasundi á mánudaginn þannig að það brýtur mynstrið aðeins upp.. en endilega ef einhver er með hugmynd að afþreyingu fyrir mig (kannski eitthvað sem gefur af sér pening?) þá please let me know..

love,
S

Um baðaðstöður

Sko.

Ég keypti mér kort í Hreyfingu í gær. Ekkert nema gott um það að segja. Mér finnst aðstaðan þarna æðisleg. Öll tæki virðast vera tipp topp og þetta lúkkar allt voða flott.

Það sem mér finnst flottast af öllu þarna er baðaðstaðan. Þetta er glimrandi flott baðaðstaða og er svipað eins og í Bláa lóninu, enda er þetta eitthvað tengt. Sturturnar eru rosa flottar, það er skilrúm á milli sturtna þannig að maður þarf ekki að vera í einhvers konar hópsturtu með fullt af konum. Pottarnir úti eru ÆÐI (náði að slappa alveg af, veit ekkert hvað ég var lengi þarna) og gufurnar eru líka ÆÐI. Ó, já. Svo er rosa flott aðstaða til að hafa sig til. Mörg snyrtiborð og alveg nóg af þeim, hvert með sér hárþurrku, bómullarhnoðrum og eyrnapinnum. Me loves it.

Svo fór ég að hugsa (einhvern tímann í nótt) hvað mér finnst ótrúlega plebbalegt að í World Class/Laugum eru tveir kvennaklefar og tveir karlaklefar. Annar klefinn er fyrir almenning og er plebbalegur en hinn er eins og fyrir þá sem virðast vera almenningi æðri (eða hefur allaveganna efni á flottri baðaðstöðu) og er lúxusklefi.

Mér finnst þetta glatað!!

Af hverju ekki að hafa þetta eins og í (nýju) Hreyfingu þar sem ALLIR fá að vera í lúxusklefanum?

?????

I mean we are all people here.

Right?

The big 30

Jæja,

þá eru allar stelpurnar í vinahópnum búnar að eiga afmæli og eru orðnar þrítugar, nema ég...

This is my scary age. Veit ekki alveg af hverju mér þykir svona mikið mál að verða þrítug. Kannski af því að þá er maður ekki tuttugu og eitthvað lengur heldur.. á FERTUGSALDRI.

GAAaaaarrrggg! Nooooo! OMG.

Allaveganna. Ég er ennþá tuttugu og eitthvað þangað til síðar á árinu svo það er engin ástæða til að panika alveg strax.

Elsku Siggú átti afmæli á laugardaginn og hélt einstaklega vel heppnaða afmælisveislu. Við fórum 12 saman út að borða á Tapas barinn niðrí bæ og þetta var einstaklega ljúft og skemmtilegt kvöld. Langt síðan ég hef sprungið úr hlátri:) Við pöntuðum okkur einhverja ævintýraferð á matseðlinum sem var einmitt mjög ævintýraleg. Þetta var fínasti matur og fínasti félagsskapur. Happy birtday darling:)

Ég fór í flotta dressinu sem ég keypti hjá Mæju í London í Arrogant Cat. Það fór nú reyndar ekki betur en svo að blessað dressið rifnaði smá akkúrat hjá geirvörtunni þegar ég var að brussast í hann (rosa flókið dress sko) en ég fór bara í brjóstahaldara innan undir (strapless) svo það reddaðist.. (af hverju ég er að deila þessu með netheimum veit ég ekki). Við Anna mín skelltum okkur svo á Airwaves og kíktum á nokkra tónleika. Við sáum Dikta á Nýlistasafninu (very nice), Steed Lord á Tunglinu (sáum og ekki sáum, dáldið stappað þarna) og Sprengjuhöllina í Iðnó (sem var dáldið fyndið þvi það voru frekar fáir þarna en ég og Anna vorum í tuddastuði meðan flestir stóðu bara. Munurinn á mér og Önnu var sá að hún kunni textana og gat sungið með en ég kunni þá ekki þó viljinn hafi sannarlega verið fyrir hendi af því ég fíla þetta band mjög vel. Það er eitthvað svo góður fílingur í þeim.. þó ég kunni ekki alveg lögin.

En Anna mín ætlar að leyfa mér að skrifa diskinn svo það rætist kannski úr því..

P.s. ég er dáldið skrýtin núna.. Ég fór með Mána í 5 mánaða skoðun áðan og algerlega fyrirvaralaust dró gellann upp helvítis nálina (ég er með sprautufóbíu dauðans) og sprautaði Mána og mér varð rosa óglatt en fékk svo frískt loft og kom hingað til ma+pa og bara pikka og pikka á tölvuna... en ætla að hætta núna og aðeins að jafna mig.

;)

Airwaves

Er ekki alveg að fíla mig eins og skyldi á Airwaves hátíðinni í ár. Enda eru aðstæður mínar öðruvísi núna heldur en síðast þegar ég fór.

Sakna líka bandanna sem ég sá síðast þegar ég fór á Airwaves. Þetta voru bönd eins og Mínus, Brain Police, Dimma og Sign. Við Anna fórum í gær og sáum Esjuna spila á Organ. Þeir voru nú ágætir en ég þekkti ekkert af lögunum og fannst þetta allt svona svipað eitthvað hjá þeim. Gaman að sjá kappana engu að síður.. Fórum síðan að sjá/heyra í Ghostdigital og það var nú bara svona lala, alltaf sama ruglið í gangi þar finnst mér. Bara svona einkaflipp eitthvað. Sáum svo eitthvað spænskt band á Nasa sem var nú bara svona la la líka.

Það er kannski að maður nái að sjá eitthvað djúsí annað kvöld. Aldrei að vita..

Stolt

Ég er stolt móðir í dag.

Máni velti sér frá bakinu yfir á magann í gær! Ooohh, hann var alveg að rifna úr stolti sjálfur:)

Fyndið hvað svona lítið atvik skiptir mig (og mína) miklu máli á meðan einhverjum utanaðkomandi gæti ekki verið meira sama.

En svona er lífið. Þetta atvik gaf mér allaveganna mikla gleði ..

Ég nenni ekki að horfa á fréttir

Þetta ástand á þessari blessaðri eyju er orðið eins og slæmt trip eða downward spiral eða eitthvað álíka. Maður kveikir ekki á útvarpi eða sjónvarpi öðruvísi en að þurfa hlusta á kreppuvæl og mér finnst þetta orðið hálf niðurdrepandi.

En eftir situr það sem skiptir mestu málið. Fólkið og fjölskyldan. Það besta í lífinu er sannarlega ókeypis og það er meðal þess sem má læra af þessari kreppu. Ég ætla rétt að vona að eftirlitskerfi þess lands batni til muna eftir þessa dýfu í efnahagslífinu en það er auðvitað ótrúlegt hvernig hrun bankanna gat gerst. Hverjum datt í hug að einkavæða bankanna? Sumt á að vera heilagt og ekki í höndunum á ævintýramönnum og glönnum.

En núna eru konur komnar í bankanna til að þrífa upp allt messið eftir kallanna. Manni líður aðeins betur..

Passaðu brjóstin á þér!

Ég er svo heppin að hafa fylgdarmann. Þessi fylgdarmaður er átta ára gamall og á heima í blokkinni og er svo góður að vera samferða Óla mínum í skólann á morgnana sem kemur sér afar vel fyrir okkur.

Í morgun þegar hann kom að ná í Óla vorum við hálfsein, við Óli höfðum gleymt okkur í kúri og ég var nú bara í íþróttatopp, þröngum sem nær niður fyrir maga. Vininum var eitthvað umhugað um að það kæmi kalt á brjóstin mín og kvaddi mig með þessum skemmtilegu orðum:

"Passaðu brjóstin á þér!"

Pha, þessir snúllar:)

My darling Begga

Ég fór í einstaklega yndislegt kaffiboð á sunnudaginn var. Elsku Begga bauð okkur stelpunum upp á dýrindis veitingar í tilefni af þrítugs afmælinu:)

Btw, ég elska þegar maður fer í boð og það er eitthvað hollt á boðstólnum. Við erum svo heppnar að Berglind vinkona er með æði fyrir hráfæði og hollustu (enda í næringarfræði) og var búin að gera dýrindis hráfæðisköku sem var góð, flottan heitan rétt og mjög svo snyrtilegar muffins sem voru sumar með svona hollustudúbbi á.

Það sem ég elskaði mest við þetta allt saman er hvað þetta kaffiboð var lekkert og snyrtilegt. Og kósý. Elsku Begga var búin að klæða sig upp í tilefni dagsins og var eins og svona sixties húsfreyja með uppgert hár og alles.

Begga, þú ert æðisleg og ég elska þig.

Like a friend skiluru.

Mogginn

Halló! Það er grein eftir mig í blaðinu í gær (sunnudaginn 5. október). Ég hef nú reyndar ekki séð actual greinina í actual blaðinu en ég sá á netinu að hún birtist í gær:) Ég reyndar vona að það sé allt í lagi með hana af því að þegar ég sendi hana þá þurfti ég að klippa af henni alveg fullt og það var dáldið mikið vesen og kannski gert í smá fljótfærni.. En allaveganna, með greininni er photosjoppuð mynd af mér! Phaa!! Fór á passamyndir á Hlemmtorgi og þar bauð karlinn upp á "re-touch" og baugarnir undir augunum og hrukkurnar og bólurnar og vörturnar (djók) var allt tekið burt.. Eins og sést á meðfylgjandi mynd. Ok, nú má einhver sem á moggann frá því í gær tékka á gæðum greinarinnar og kommenta svo hérna að ég sé frábær. kiss, me (skrifað síðar) Whatever. Það þarf enginn að kommenta....

Mér er óglatt

Sem sannri félagshyggjumanneskju er mér óglatt. Hvað vekur upp ógleði mína?

Bankamenn. Var að lesa e-a grein þar sem Lárus Welding, forstjóri Glitnis, er kallaður 300 milljóna maðurinn. Af hverju? Af því hann fékk borgaða 300 MILLJÓNIR bara fyrir það eitt að hefja störf hjá Glitni fyrir um ári síðan.

Mér er óglatt. Mér er óglatt af bilinu milli ríkra og fátækra og hvað gjáin þarna á milli er stór. Ég gæti ælt. Því það er alltaf fátæka fólkið sem verður fátækara og súpa seyðið af gjörningum hinna stóru og fjársterkari.

OJ.

Blonde, so blonde

Af hverju ég fæddist ekki ljóshærð veit ég ekki.

Í hádeginu tölti umhverfisvæna ég út í endurvinnslugám sem er hérna rétt hjá með fullt af gömlum blöðum sem ég hafði sett undir barnavagninn. Ég bara totally gleymdi að gera ráð fyrir því að það var smá rok úti og varð rosa hissa þegar blöðin fuku bara út um alla Hamrahlíð. Þau byrjuðu að fjúka þegar ég var úti á miðri götu...

Phaaa. Umhverfisverndin backfire-aði aldeilis þennan daginn:/