bókaumfjöllun

Núna var ég að klára Einvígið eftir Arnald Indriðason. 

Mikið ofboðslega er Arnaldur hæfileikaríkur höfundur. Frábær bók, hélt mér allan tímann. Snilldarflétta og Arnaldur hélt áfram að koma manni á óvart alveg fram á síðustu blaðsíðurnar. Stórkostlegt hvernig hann fléttar sögulegum atburðum inn í atburðarrásina.

Fimm stjörnur af fimm.

Núna er bara stóra spurningin: Hvað skal lesa næst???

af hverju ég kýs vinstri græna

það er vegna framtíðarinnar. Framtíðar barna minna og næstu kynslóða. Auðvitað skipta umhverfismál mestu máli í því samhengi. Hreint vatn og hreint loft er það sem á eftir að verða verðmætast á jarðkringlunni og þess vegna ætti að skipta mestu máli að huga að því núna, einmitt á okkar tímum, að tryggja að hreina loftið (sem fyrirfinnst varla lengur í borginni) og hreina vatnið verði ennþá staðreynd eftir 100 ár, jafnvel 200 ár og, eigum við að þora að vona(?), 300 ár.

Amen.