Frábær leið til að byrja daginn..

er að lesa stjörnuspá mbl.is

Bogmaður: Dagurinn í dag verður hálf mislukkaður, þess vegna skaltu horfa á hann með þeim formerkjum.

Það er alveg makalaust hvað stjörnuspáin á alltaf vel við mig samt. Svaf ekki vel í nótt þannig að dagurinn byrjaði hálf skringilega. Svo voru slæmar fréttir í blöðunum. Ég ætla að læra í dag en það virðist vera ýmislegt sem á eftir að trufla það.. Vona að dagurinn verði ekki alveg glataður samt..

Fingers crossed!

Goddesses in heaven,

Angels above,

please protect the country I love and the people it withholds.

Ég myndi gera margt...

fyrir 8 tíma samfelldan svefn. En alls ekki hvað sem er!

Núna er bókhaldsnámskeiðið byrjað (fjarnám við Háskólann á Bifröst) og stelpan er farin að pæla í debet og kredit og bókhaldslyklum.

Finnst í meira lagi öfugsnúið að kredit eru tekjur og debet eru gjöld.

Og bókhaldshringrásin heldur áfram..

Is it true?

Er með Eurovision lagið alveg á heilanum, kem því ekki út!

Mín innri rokkgyðja byltir sér í svefninum og veltir fyrir sér hvað í andsk.. sé eiginlega í gangi.

Ég er heppin ef ég kemst út úr þessu...

ósködduð.

Ég var sitjandi og hélt á Stefáni Mána, þessu óargadýri, í gærkvöldi. Og barnið (8 1/2 mánaða) spyrnir svona líka rosalega fast í mig að hann nær að stíga inn og ofan í mjaðmagrindina á mér og kremja (að einhverjum líkindum) nokkur líffæri.

Er hugsanlega með innvortis blæðingar og má teljast heppin ef að legið er á sínum stað.

Mér leið eins og belju sem fær frelsi sitt að vori...

... þegar ég loksins komst á skíði á sunnudaginn!

Það var alveg hreint yndislegt að komast upp á fjall. Við fórum í Skálafell þar sem það var lokað í Bláfjöllum. Þrátt fyrir að hafa eytt um 1 og 1/2 tíma í skíðaleigunni skemmti ég mér konunglega með Óla og Svani. Ég var nú reyndar eins og byrjandi sjálf það er svo langt síðan ég fór á skíði...

Þess vegna sætti ég mig alveg við að vera bara í barnalyftunni. Veðrið var líka yndislegt:)

Já, og takk mamma fyrir að passa Stefán Mána á meðan og lána mér skíðin þín

Nordiske samarbejde er sjovt og bra. Meget sjovt og bra!

Alveg hef ég hitt naglann á höfuðið þegar ég ákvað að skrifa um Norðurlandasamstarfið og kosti þess í MA ritgerðinni minni í alþjóðasamskiptum.

Auðvitað bjarga systkini okkar á Norðurlöndunum okkur eins og endranær með rausnarlegum lánum. Það væri nú ansi gaman ef við gætum endurgoldið þeim greiðann einhvern tímann.

Skrýtið. Mér finnst eins og hinar Norðurlandaþjóðirnar séu að gera alveg fullt fyrir okkur og við gerum lítið fyrir þær..

En..
allir fyrir einn og einn fyrir alla!

Emilíana Torrini - Me and Armini

Oh my God. Er ástfangin af disk. Hef ekki keypt mér geisladisk ég-veit-ekki-hvað-lengi en eftir langa tilhugsun (eða ekki..) afréð ég að kaupa þennan. Sé ekki eftir því. The woman is a genious.

Hey there sunshine lift my heart
I know life is long but it goes so fast
I love you never feeling old
you never bought the rubbish that they sold

Snæfellsnes 2009

Nokkrar myndir úr ferðinni:)

It was gorgeous

LOL :)

Mikið ofboðslega er gott að fara í burt..

.. úr þessari blokk og úr þessari borg þó ekki sé nema í eina nótt. Við fórum á Snæfellsnes í gær og gistum á Hótel Búðum í nótt (afmælisgjafirnar okkar til hvors annars sko). Það var gjörsamlega yndislegt að komast aðeins út á land. Æðislegt.

Fann um leið og við keyrðum inn í borgina núna áðan hvað mig langaði ekkert heim til mín. Bara engan veginn. Nada. Ekki neitt.

Skrýtið. Ég man að mér leið mjög svipað þegar ég kom heim frá London í ágúst. Mig langaði bara ekkert heim. Finn að ég er tilbúin til að flytja - bara eitthvert (innan eðlilegra mannlegra marka að sjálfsögðu!). Það er nú ekki langt síðan að ég gat "alls ekki" hugsað mér að flytja úr Hlíðunum þannig að þetta er mjög mikil framför. Núna er ég gjörsamlega og algerlega tilbúin til að kanna nýjar slóðir og breyta algerlega um umhverfi.

(er reyndar ekki að tala um að flytja erlendis - það kæmi ekki til greina hjá okkur..)