Skeið breytinga

Það er svo skrýtið að fylgjast með líkamanum sínum breytast.

Dag frá degi er ekkert eins og það var. 

Húðin þynnri og ég nenni mjög fáu. Orkustigið lágt.

Tilfinningarnar eru alls konar. Vanalega bærilegar og góðar en eins og í dag er ég frekar flöt og sama um mjög margt.

Sama um hitt kynið og sama um útlitið.

Vikan hefur verið friðsæl.

Hápunktur vikunnar hefur verið að fylgjast með nuddrýminu blómstra í kjölfar þess að núna erum við bara tvær eftir. Allt önnur og betri orka.

Lágpunktur vikunnar hefur verið að láta mér detta í hug að ég fari ekki aftur á blæðingar. Ever. Bara finido.

P.s. hef tekið út fréttamiðla sem hjálpar geðheilsunni gífurlega mikið. Mæli heilshugar með.

Namaste.

Mörgum

... finnst best og skemmtilegast þegar það er mikið að gera.

Ekki mér.

Mér líður best þegar það er ekkert að frétta, ekkert að gera og ég hef nægan tíma til að bara vera.

Við eigum það sameiginlegt nokkrar í Bowen náminu að hafa rekist á vegg og lent í kulnun.

Skrýtið hvernig við erum samt komnar á fullt með kannski of marga bolta á lofti.

Er að reyna mitt besta til að hugsa ekki um mars.

Það er of mikið að gerast í mars og ég þarf að halda mjög vel á spilunum til að halda heilsunni og sönsum.

Í mars er 4ða og 5. stigið í Bowen með prófi í endann. Er að gera skýrslur núna.

Í mars er líka kennsla í Mími sem ég er hálf óörugg með. Aðallega vegna þess að kennslustundirnar eru of margar og langar. Það sem ég hef að segja þeim tekur 20 mínútur sirka. Þarf bara að lifa það af.

Ofan í allt þetta á dóttir mín afmæli og ég þarf að halda veislu og vera móðir. Danssýning verður einmitt þegar ég er að taka 5. stigið. Kl 17 sem þýðir að ég kæmist beint eftir heilan dag af kennslu. Fyrir marga væri það ekkert mál. Fyrir mig er það mikið mál.

Framundan eru breytingar í aðstöðunni. Leigan hækkar en við sem erum eftir ætlum að gera rýmið frábært og huggulegt.

Annars er ég búin að vera með Taylor Swift í eyrunum. Fæ ekki nóg af henni að syngja lagið Lover. Syng alltaf með.

Vikan var annasöm og dramatísk. Fann fyrir reiði í fyrsta skiptið á mörg ár. Ætla ekki að fara nánar út í það en allt gerist af ástæðu. Það eru engar tilviljanir. Segjum bara að kennari kenndi mér lexíu og núna skil ég föður minn betur.

Hápunktur vikunnar var þegar ég gerði yoga úti á svölum í sólinni á Tenerife.

Lágpunktur vikunnar var þegar ég reiddist 18 ára stjúpdóttur minni síðasta morguninn á Tenerife.

Sagan fer í hringi og er núna að sýna mér hvernig það er að vera foreldri 18 ára stúlku. 

Já og svo er dauður hamstur í frystinum.

Á hverjum degi

... kann ég betur að meta Taylor Swift.

Fyrstu dagana hér á Tene naut ég þess að skokka meðfram nærliggjandi strönd og syngja hátt með Karma is a God. Karma's a relaxing thought. Sweet like honey..  

Skil núna af hverju hún er svona vinsæl. Kynntist tónlistinni hennar í gegnum Guðrúnu Höllu sem elskar hana og kann alla textana.

Sá mann hérna í gærmorgun á ströndinni sem er hjá okkur gerandi það sama og ég gerði fyrstu dagana meðfram sjónum. Í barnslegri gleði baðaði hann út öngunum og hljóp berfættur eftir ströndinni, gerandi flugvél og svona næstum öskursyngja en það var það sem ég gerði fyrstu dagana með tónlist í eyrunum.

Fyrsta daginn gat ég bara hlustað á Taylor Swift á Spotify þegar ég fór út fyrir hótelsvæðið. Internetið öðruvísi hér. Það er ástæðan að ég gat bara hlustað á hana fyrsta daginn á ströndinni og fattaði hana. Náði henni.

Allt gerist af ástæðu. Ekkert gerist af tilviljun.

Taylor Swift. Þessi rödd. Þessi kona.

Megi allir góðir vættir fylgja þér veginn queen.

Namaste.

Allt

... hefur sína kosti og galla.

Eins og hundar förum við alltaf á sama hótelið á Tenerife í febrúar. Sama herbergið sem er með stórum svölum, bæði að sjónum og sundlaugargarðinum.

Kostirnir eru m.a. að ég elska þessa semi íbúð sem er uppi á 3ju hæð. Ég get verið hérna að tana og yogast í friði. Úti á svölunum.

Gallarnir eru t.d. að við erum í miðju partýinu, á Costa Adeje, með hásæti reyndar en hingað berast sirka 100 1000 mismunandi hljóð og læti úr öllum áttum frá 08:00 til 00:00.

Fyrir einstakling sem er hugsanlega á einhverju rófi getur það verið ansi mikið eftir svefnlitla nótt.

Ofvirki pabbinn er farinn með kids í Siam park. 

Mamman er alveg búin á því.

Namaste

Hámarksárangur

Þegar ég var að byrja á andlegri vegferð minni, alveg í blábyrjun þegar ég var byrjandi, varð þessi bók á vegi mínum. 

 

Við Siggú vinkona löptum þetta allt saman upp eins og heilögum sannleika úr heilögum kaleik. Síðar fór ég að stórlega efast um sirka helminginn. Sá helmingur sem stendur eftir er samt heilagur sannleikur. Það var þarna sem ég las fyrst að (auðvitað) er ekkert jafn mikilvægt og hugarró.

Það er æðsta og mikilvægasta markmiðið. Hugarró. Ef maður hefur hana ekki er allt annað fyrir bí.

Í síðustu viku og dagana þar á undan hafði ég tapað minni. Var komin með of marga bolta á lofti. Mímir. Bowen námið, vinnan hjá Grjótavík, hætta á staðnum sem ég elska. Fatta hvernig ég ætti að höndla aðstöðuna og stóru leiguna þar sem tvær eru að hætta, redda afleysingu á staðnum sem ég elska. Ná öllu áður en ég myndi crasha. 

Svo gerði ég einmitt það. Crashaði. Í síðustu viku.

Málið er auðvitað flóknara en þetta var toppurinn á ísjakanum. Sumt bloggar maður ekki um. Snýst kannski um að vera HSP með OCD og lenda svo í alls konar aðstæðum.

Er að koma tilbaka hægt og rólega. Mundi að ég hafði skrifað hjá mér fyrir löngu í notes: 20 mínútna hugleiðsla á dag og ég er góð. 

Er byrjuð að hugleiða aftur. Fer í yoga eins og það sé súrefni. Sem það er. Heldur mér gangandi.

Á stundum sem þessum þarf ég mikinn, mikinn alone time. Er að ná því og finn að það er lykillinn fyrir mig. Það og að púsla með Guðrúnu Höllu.  

Fyndið að hugsa til þess að á síðasta ári fór ég til markþjálfa. Við fundum út að mig langar til að leika. Kannski í áhugamannaleikhúsi. Kannski ég fóðri þann draum aðeins og miða að því að hafa einhvern tímann næga orku í það. Breytingarskeiðið er alveg að taka sinn toll. 

Á tímum sem þessum öfunda ég einstæða foreldra sem fá frí frá fjölskyldunni sinni aðra hverja viku.

Á mánudaginn flýg ég burt. Þó fyrr hefði verið.

Namaste.