Fíkn

Eitthvað er ekki í lagi.

Eins og hver annar fábjáni saukst ég ofan í Kate Middleton kanínuholuna. If you know, you know.

Er farin að eyða of miklum tíma á tiktok. 

Það er margt mjög sniðugt á tiktok. Þarna finn ég æfingar til að gera í ræktinni, alls konar sniðug heilsuráð og oft hressir þetta mig við. Skemmtilegir dansar og eitthvað glens og gaman.

En.

Þegar þetta mál með Kate Middleton kom upp - saukst ég inn. Samsæriskenningarsmiðir ýja að heimilisofbeldi, vinur hennar var myrtur, hlutirnir líta ekki út fyrir William.. Svo halda sumir því fram að þegar hún loksins birtist og sagðist vera með krabbamein að myndbandið sé búið til af gervigreind. 

Eitthvað er rangt við þetta. Eitthvað er líka rangt við að ég sé að eyða öllum þessum tíma í símanum. Er farin að koma út í mínus við þessa iðju mína.

Allavegana. Vikan var bara frekar erfið. Ég hætti á hormónauppbótameðferðinni úti á Tene þar sem ég hélt að ég væri að fá blóðtappa í fótinn. Núna er komin aftur ástæðan fyrir því að ég fór á þessa blessuðu meðferð til að byrja með; orkuleysi og slen. Depurð og framtaksleysi. Urg.

Hápunktur vikunnar var í fyrrinótt þegar ég náði loksins að sofa heila nótt án truflana. Krakkarnir eru í of löngu páskafríi að mínu mati og búnir að snúa sólarhringnum við.

Lágpunktur vikunnar var í gær þegar hormónasveiflurnar voru að leika mig grátt.

Markmið næstu daga er þá að minnka símanotkun.

Namaste.

Öll

... að koma til.

Orkan er að lagast.

Þessi vika er svo langt fyrir utan þægindarammann að ég sé ekki einu sinni rammann.

The line is a dot to you 

eins og Joey í Friends sagði. 

Kennsla þar sem okkar kona stendur í púltinu og þrír kl 9 - 17 dagar þar sem hún lærir Bowen. Bara einn dagur in the element þar sem ég var að nudda.

Allavega. Ég er orðin Bowentæknir.

Vel gert ég.

Namaste.

Japanese foot pads

Ég virðist draga að mér vinkonur sem eru alltaf spenntar út af einhverju. Hlakka rosalega til einhvers. Þó það sé bara hittingur. Rosa spenntar.

Í seinni tíð verð ég ekkert rosalega spennt yfir einhverju. Lífið bara heldur áfram sinn vanagang og þó að ég eigi miða á sýningu eða eitthvað er ég ekkert að missa mig yfir því. 

Fyrir þessu er ég hins vegar spennt.

Þegar ég var að skrolla á einhverjum miðlinum sá ég þessa auglýsingu. Japanese foot pads. Auglýsingin sýnir hvernig maður setur þetta á undir iljarnar fyrir nóttina, sefur með þá og leyfir þeim að draga í sig eiturefnin úr líkamanum. Eftir einhvern tíma verðuru verkjalaus, sefur betur og bla bla bla. 

Allavega, þetta náði mér, pantaði þetta eins og í leiðslu, sótti þetta á pósthúsið í vikunni og núna er konan spennt. Er búin að sofa með þetta í tvær nætur núna og varúð, hér koma myndir:

Fyrir notkun:

Eftir nóttina:

Yummie!

Here´s were mamma gets her kicks.

Allavegana, vikan var helvíti þangað til í gær þegar mér fór að líða betur. Tók ákvörðun um að taka morgun kaffibollann út og skipta yfir í decaf á meðan á þessu kvíðatímabili stendur. Það verður sem sagt búið á föstudaginn eftir viku sirka um kvöldmatarleytið þegar meðferðaraðilinn er búinn að taka skriflegt og verklegt próf í Bowen. 

You do it to yourself, thats why it really hurts.

Kennslan í Mími er ekki að hjálpa. Er svo out of my element þegar ég er að kenna. Leið loksins betur í gær þegar ég fór að nudda og komst aftur að kjarnanum. Það er ekki einu sinni hægt að vorkenna manni þegar maður kemur sér alfarið sjálfur í aðstæður sem maður höndlar illa.

Hápunktur vikunnar var í gær þegar ég fann bók á Storytel eftir Rhonda Byrne, höfund The Secret sem minnti mig á að ég er frjáls vera, ég er ekki hugsanir mínar og kjarni minn er náttúrulega hamingjusamur. 

Lágpunktur vikunnar er núna þegar ég sé að ég kemst ekki í gegnum að skrifa pistil nema að sletta hægri og vinstri.

Not good.

Namaste.

Aukavinnan

 .. og svo er það kennslan.

Las pistil um árið sem fjallaði um tilgangslaus störf. Í desember var ég komin á þá skoðun að starfið mitt í Mími væri tilgangslaust. Ég er að kenna fólki sem vinnur ekki við ræstingar einmitt ræstingar sem eru bara ferlega basic. Það þarf ekki margra klukkutíma kennslu til að fatta ræstingar. Kannski í mesta lagi klukkutíma. 

En. Núna er ég að fara kenna kúrsinn Fræðsla og þjálfun um þrif og sótthreinsun og er farin að finna mátt minn og megin. Nemendurnir vinna við umönnun á hjúkrunarheimilum og mér finnst skipta miklu máli að fræða þau um þrif og sótthreinsun. Þau kannski vita sitthvað um það nú þegar en handþvottur kemur til dæmis við sögu og hversu mikilvægt það er að þvo hendurnar á réttum augnablikum. 

Mér finnst meira að segja að ef ég kenni þeim þetta rétt þá geti ég komið í veg fyrir útbreiðslu sýkla og sjúkdóma að einhverju leyti. 

Áfram ég!

Vikan er búin að vera hektísk og stressandi. Við vitum núna að konur eru með allt öðruvísi hormónastarfsemi en karlmenn. Mér finnst þetta svo áberandi þegar maður fer að taka eftir þessu. Þeir eru alltaf ON. Finnst mér. Konur eru eins og superwoman í kannski 14 daga og svo draga þær sig inn í skel smá eða þurfa allavegana að hvíla sig meir í sirka 14 daga. Allavegana, ég er búin að vera í ON mode svona eftir að ég ákvað að eyða kvíðanum í maganum fyrir þetta Mími dæmi með því að vinna sleitulaust í fyrirlestrinum. Varði því fyrri hluta vikunnar með superfókus á fyrirlesturinn sem er á mánudaginn.

Hápunktur vikunnar var fundur með umsjónarmanni hússins á Suðurlandsbrautinni í gær. Var ekki búin að átta mig á því hversum miklum tíma ég var búin að eyða ein fyrr en ég fattaði að þessi fundur með húsverðinum var eina félagslífið mitt alla vikuna. Á fimmtudegi! Mér fannst það líka sönnun að ég væri í ON mode að ég kom á þessum fundi til að röfla yfir nokkrum hlutum.

Lágpunktur vikunnar var líka í gær þegar ég hitti Baldur heilara sem er í rýminu við hliðina mér á Suðurlandsbrautinni og leið svona eins og í Sögu Garðars sketsinum í áramótaskaupinu í Covid. Það var svo langt síðan að ég hitti einhvern að ég var næstum búin að gleyma hvernig maður hefur samskipti við aðra. Svoleiðis fílingur. 

Spjalla auðvitað við elskulegu kúnnana mína en þetta var svona dáldið spes tilfinning.

Namaste

(Þið megið senda mér bænir og blessanir á mánudaginn kl 12:40 og eftir það:))