Minn eigin maður

Mikið sem ég er heppin með klettana í lífinu mínu. Fólk eins og ég þarf fólk eins og þau.

... því stundum gerir maður upp á bak og þarf aðstoð.

Fór í mína reglubundnu hugleiðslu út í skóg í Elliðárdal í morgun. Búið að snjóa óvenju mikið og ég komst ekki þar sem ég fer vanalega. Lagði ofar og allt yndislegt þangað til ég þarf að fara að koma mér í vinnuna. Renn mjúklega til hægri ofan í skurð sem ég var svo pikkföst í. Sá ekki skurðinn í öllu fannferginu.

Elsku eiginmaður minn kom, sá og sigraði hjartað mitt með því að koma strax (hann var reyndar í grenndinni) og skipta um bíla svo ég kæmist á réttum tíma.

Ekki að ástæðulausu sem hann er minn ICE (In Case of Emergency) í símaskránni.

Phew og mmmm...

Fræ

Elska fræ. 

Svona jákvæð fræ. Sem fólk segir við hvert annað. Fræ sem eru sett í garð hugans og vaxa þar og dafna.

Segi oft við 6 ára dóttur mína að hún sé best, flottust og fallegust. Að ég elski hana.

Í dag fékk ég sjálf fræ frá kúnna í vinnustaðanuddinu:

"Ég heyrði að þú hefðir töfraputta."

Önnur sagði að hún hefði orðið alveg góð eftir síðasta nudd og núna væri hún komin bara til að njóta. 

Enn ein sagði svipaða sögu og svo sagði húsvörðurinn að allir væru ánægðir og endurnærðir eftir nuddið.

Í allri minni hógværð set ég þessi fallegu fræ djúpt í vitund mína og vökva eins og viðeigandi er með falleg fræ og passa upp á birtustigið.

Auðmjúk og þakklát. 

Jeij me❤

Aldurstengd tilvistarkrísa vol xxxi

Var að væflast á Youtube um daginn.

Ekki í frásögur færandi nema hvað að ég sé auglýsingu um dating app. Beint að mér.  Fyrir 40+ ... Eins og síminn sé búin að átta sig á því að það sé ég. 

Ég var smá stund að átta mig á því að það væri ég. Ég!

Varð móðguð. Svo komu alls konar tilfinningar. Ekkert sérlega jákvæðar. Líður bara alls ekki eins og að þessi tala eigi við mig. Hélt að þetta væru kannski mistök.

Finnst eitthvað svo erfitt við þetta. 40+ ?!

Is there no going back?😱

Post yoga bliss...

is like no other bliss.

Eins og maður hafi misst 10 kíló. Léttirinn alsæla.

Þetta gerist alls ekki alltaf. En í dag, í sunnudags ashtanga tímanum, var erlendur gestakennari. Ellen, sem virkaði á mig eins og vítamínsprauta.

Í ashtanga þá "adjusta" kennararnir oft stöðurnar manns, hjálpa manni að komast dýpra.

Og þá, gerast galdrarnir.

Sveif heim og börnin fengu glaða mömmu.

Fjöllin blá

Núna er ég á leið heim.

Hlakka actually til að hitta manninn minn. Ekki er það nú amalegt.

Þetta er búið að vera frábært húsmæðraorlof. Gæti ekki verið sáttari.

Me time, check

Vinkona, check

Náttúra, check

Hatari, check

Var sérstaklega hrifin af Göteborg eða Jötteborg eins og maður segir víst.. 

Mjög góð orka.

A day @ the spa

Gærdagurinn var yndislegur hér í Göteborg. 

Sunneva bauð mér í spa og nudd. Liðum um á milli mismunandi sauna og potta allan daginn í fallegu umhverfi bæði úti og inni.

Andleg fullnæging.

Next up: back to Stockholm. 

Líður að heimför.