Feeling

... old.

Aftur. Sé að síðasti póstur byrjaði álíka annarkannarlega. 

"Gah" sagði vinkona mín í gær. Við vorum staddar á Fjörukránni, ekki að sumbli, heldur var hún að ferma elstu dóttur sína. Fyrsta fermingin af þremur. "Þetta er ekkert smá mikið mál!" sagði hún. Veislan var stór, held um 70 manns. 

"Við höfum fermt þrisvar" heyrðist í okkur Svan. 

Þarna var það. Þessi skringilegheit. Vinkonur mínar og jafnaldrar eru í ár að ferma í fyrsta skiptið og sumar ekki byrjaðar og eru kannski með þrjú börn undir fermingaraldri. 

Mér finnst þær vera sprækar. 

Skil ekki alveg af hverju mér finnst ég vera eldri og þreyttari en þær. 

Hver veit?

Allavegana, vikan var nú bara létt. Frídagur í gær og ég vann ekki nema tvo daga. Svo er líka allt léttara um leið og fer að birta svona yfir. Gleðilegt sumar segi ég nú bara:) 

Hápunktur vikunnar var á miðvikudaginn þegar ég fékk óvænt tvo kúnna sem pöntuðu samdægurs. Var aðeins farin að missa trúnna á þessu nuddbrasi því þetta er dáldið bras og hark en nei, það eru einhverjir sem finnst ég hafa upp á eitthvað að bjóða. Mikið ánægð með mig á miðvikudaginn. 

Lágpunktur vikunnar var í gær þegar mér fannst ég vera eldri en jafnaldra vinkonur mínar þegar raunin er að þær eru nokkrum mánuðum eldri en ég!

Markmið vikunnar var þungt og erfitt. Þetta er rétta viðhorfið Svava. Allavegana, náði því ekki. Markmiðið var sem sagt að selja annan nuddbekkinn minn því núna þarf ég að spara fyrir Danmerkurferðinni:)

Namaste.

Finn í beinunum

...aldurinn koma yfir.

Mér finnst það galið nice. Samt ekki.

Eins og miðaldra kvenmanni sæmir er þankagangurinn búinn að breytast. Það sem ég hugsaði mest um fyrir ári og tveimur og þremur er ekki það sama og ég hugsa um núna.

Nei, það sem ég hugsa um þegar ég vakna á nóttunni núna (stundum vekja þessar hugsanir mig) er bara svona endalaust; hvernig á ég að gera þetta og hitt. Á morgun er ég til dæmis að fara mála í aðstöðunni aftur, aðallega af því að ég gerði það ekki rétt síðast. Núna rekast á hugsanir um hvernig ég ætla að gera þetta betur, hvað ég þarf o.s.frv. Þarf t.d. klárlega svona kúst til að setja rúlluna á til að þetta verði jafnara og bla bla bla.. Ætli það sé ekki best að setja bara plast á gólfið þar sem ég er að vinna eða ... blablabla.

Það sem heldur fyrir mér vöku núna og það sem ég vaknaði við í morgun er fyrsta helgin í maí. Hvernig og af hverju sagði ég bara já, að þessi helgi hentaði fínt fyrir húsmæðraorlof fyrir nokkrum vikum síðan og af hverju fattaði ég ekki að barnabarnið á auðvitað sitt fyrsta afmæli þá?

Hitti vinkonu mína sem ég er að fara með þetta orlof í í gærkvöldi og hún sagði ferlega slök að já, við gætum bara rúllað í bæinn um hádegið á sunnudeginum. Hélt fyrst að veislan byrjaði kl. 13 en hún verður kl. 14 sem er auðvitað betra en ég er amman.

AMMAN!

Nú, auðvitað kem ég með eitthvað og hvað á það nú að vera og blablabla. 

Er aðallega hrædd um að lenda í kvíða yfir þessu nóttina áður. Í húsmæðraorlofi. Í sumarbústað.

Fékk mitt reglubundna kvíðaskot fyrir kennsluna á miðvikudaginn. Af hverju ég geri mér þetta veit ég ekki. Jú, út af peningnum. 

Vikan var með besta móti. Orkan er góð þessa dagana. Þurfti ekki að hafa mikið fyrir henni.

Hápunktur vikunnar var á miðvikudaginn þegar ég var (löngu) búin með allt námsefnið (sem þau höfðu engan áhuga á) og þar sem það var útskrift þurfti ég að drepa tímann. Það voru þónokkrir frá Afríku í tímanum svo ég setti bara african beats á og við fórum að dansa. Það var æði. Elska hvað Afríkubúar virðast alltaf vera léttir. Músíkin og takturinn er þeim í blóð borin og það var svo æðislegt að fylgast með þeim bara standa á fætur og dansa. 

Af hverju er ég ekki meira Hakuna Mutata?

Lágpunktur vikunnar var líka á miðvikudaginn um morguninn þegar ég var með kvíða yfir að vera fara kenna. Skrýtið af því að þeim er svo sama og þetta er tiltölulega góður hópur. Hélt það allavegana. Fyrra skiptið var æði með þeim en svo var eins og þau væru öll blúsuð og á túr í seinna skiptið. Mjög skrýtið. Finn til með uppistöndurum sem lenda stundum í erfiðum sal.

Verkefni vikunnar var tiktok maskinn. Náttúrulegur maski gerður úr hörfræum og hrísgrjónum og aloe vera sem ég sá á tiktok og á að gera mann (já eða húðina) 18 ára aftur. 

Pha!

Namaste.

 

Æsispennandi vika

Fyndin það er ég. 

Þegar ég tala um æsispennandi viku þá meina ég að ég var að bralla dáldið ein með sjálfri mér. Introvert much?

Þetta byrjaði á mánudaginn þegar ég safnaði alle mine penge og keypti flugmiða til Danmerkur fyrstu vikuna í júlí fyrir mig og Guðrúnu Höllu. Fimm daga ferð. 

Flækjustigið er Legoland sem er í Billund sem ég veit núna að er bara frekar mikið langt frá Kaupmannahöfn. Hef því bókað þrjú hótel. Tvær nætur fyrst í Köben, förum í tivolíið, tvær nætur í Billund, förum í Legoland, ein nótt í Köben aftur og svo heim. 

Aðalhöfuðverkurinn núna er hvernig við förum til og frá Billund en hey, ætla að vera ligeglad með það. 

Guðrún Halla (11 ára) er að læra dönsku á dualingo svo að þetta verður gaman. Hlakka til:)

Vikan var með besta móti.

Hápunktur vikunnar var þegar ég fékk kallið. Ömmukallið. Sonarsonur minn bleyjulaus í Kópavoginum á miðvikudagsmorgni kl 09. Sefaði ammviskubitið (já, það er orð) með að koma með bleyjur til strákanna minna. Seinna sama dag gaf ég gott nudd. Það gott að ég dansaði í bílnum á leiðinni heim (já, það er hægt) og konan (sem ég þekki) mælti með mér á samfélagsmiðlum og tveir nýjir aðilar bókuðu hjá mér í næstu viku.

Lágpunktur vikunnar var í gær þegar ég var að kenna í Mími og var búin að sýna svo mörg Youtube myndbönd að kona sofnaði. Karlmanni leiddist, kona spurði af hverju þau væru að sjá nokkur myndbönd af sama hlutnum og já, ég sofnaði næstum líka. 

Á móti spyr ég. Hvernig getur maður eytt heilli kennslustund eða 60 mín í að vera með sýnikennslu í kennslustund sem heitir Búa um, þrífa og skipta á rúmum. Þetta er bara frekar basic og þau kunna þetta betur en ég og Youtube sem kom í ljós í einu myndbandinu þegar kona var að skipta um á rúmi með gínu í. Hún gerði eitt sem á alls ekki að gera og þau spottuðu það. Ánægð með þau. Þau hlógu, ég hló. Gaman.

Þetta er frábær hópur. Er rosa ánægð með hann. Elska við Afríkubúa að þeir eru alltaf glaðir. Taka lífinu ekki of alvarlega. Enda hlógum við mikið. Það voru nokkrir Tælendingar og nokkrir frá Filipseyjum. Ein frá Idónesíu og ein frá Litháen. Talaði mest við hana. Á íslensku auðvitað. Við Vesturlandabúar getum lært svo mikið af innflytjendum. 

Verkefni vikunnar var að redda barnabílstól. Ammviskubit er orð sem ég bjó til yfir það hvernig mér líður að vera ekki komin með svona stól fyrir ömmugullið mitt. Besta leiðin er að fá hann lánaðan og er það er í bígerð en er ekki alveg komið ennþá.  

Já og ég ætla ekki að tala um Bjarna teflonpönnu en hugsa mitt og er búin að setja nafnið mitt á undirskriftalistann.

Namaste. 

P.s. þegar ég er með góðu fólki hugsa ég: Við erum öll eitt. En svo hugsa um einhverja karlpunga og veit ekki alveg..

P.p.s. ég eyddi 30.000 kr meira í flugmiða með Icelandair sem fer kl. 10:35 á sunnudegi frekar en að kaupa miða af Play. Þeir fara kl. 06:40 eða eitthvað. Þar með flækti ég hlutina samt af því að Icelandair flýgur ekki til Billund en Play gerir það. Samt. Þetta verður bara skemmtilegt roadtrip fyrir okkur mæðgur.

I want to get away

I want to fly away

Þetta var lagið sem ég vaknaði með í hausnum í morgun. Mikið væri ljúft að geta flogið bara burt.

Ætla þá að gera það bara. Með síðasta sumar í fersku minni þar sem ég var með 10 ára dóttur sem leiddist óhóflega ætla ég að kokka upp ferð þar sem við förum bara tvær til Danmerkur. 

Kóngsins Kaupmannahöfn, hér komum við. Mæðgur sem ætla að bæta upp fyrir síðasta sumar. Tívolí og Legoland, labba um og njóta.

Yes!

Vikan var óvanaleg. Fyrstu dagarnir voru ennþá páskafrí svo þetta var afskaplega róleg vika. Varla vika bara. 

Hápunktur vikunnar var í gærkvöldi þegar ég þóttist sjá skilaboð frá himnasmiðnum í skýjunum. Já, ég heillast að hinu andlega. Í gær var 4.4.2024 sem er víst dagurinn þar sem einhver meiriháttar gátt opnast í alheiminum sem hjálpar við kraftbirtingu (manifestation.) 

Ég óskaði mér fullnægjandi 8 tíma svefns allar nætur. Viti menn, vaknaði fersk eins og nýslegin túskildingur.

Lágpunktur vikunnar var núna áðan þegar ég fór með Pathfinderinn í sjálfsafgreiðsluna hjá Lindinni eða Löðrinu eða hvað þetta nú heitir, bílaþvottastöðin í Lindunum. Hann var orðinn svo skítugur þessi elska. Mikið að gera þarna og ég vel bara svona sjálfsafgreiðsludæmi og gerði óvart dáldið fyndið og asnalegt. Verandi gellan sem ég er var ég í fínni skónum og sullaði alls konar tjöruhreinsum og sápum og löðri á bílinn. Passaði að setja líka á toppinn, blint að sjálfsögðu þar sem ég sé ekki ofan á bílinn, krílið sem ég er. Sé svo núna frá íbúðinni minni á 2.hæð að ég mér hefur bara tekist að þrífa neðri helminginn af toppnum af bílnum. Hinn er drull. Pha!

Verkefni vikunnar var að kaupa ramma (í fleirtölu) fyrir útskriftarskírteinin okkar Siggu til að setja upp í aðstöðunni. Núna erum við bara tvær og erum að breyta og betrumbæta. Keypti nú kannski óhóflega dýra ramma. Vildi að ég væri aðeins séðari þegar kemur að peningum eða bara hefði meiri áhuga á þeim kannski fyrir það fyrsta.

P.s. Mikið heldur hann sér vel hann Lenny. Sá mynd af honum á Instagram um daginn og hann er bara ennþá flottur kallinn.