Myndir!

Alveg nýr..















Faðir og sonur
















Litla yndi..

Loksins!!

A prins is born.

Mikið ofboðslega er ég glöð og hamingjusöm. Loksins er hann kominn:) Hún var orðin frekar langdregin þessi meðganga sko.. En fæðingin gekk vel (segir maður núna). Ég reyndar get ekki að því gert að skammast mín hreinlega fyrir dýrslegu öskrin í mér í gær en hvað getur maður gert annað en að öskra af öllum lífs og sálarkröftum þegar svona ósköp eiga sér stað? Ég bara spyr. Mér var nú alveg nokk sama þó allur Landspítalinn heyrði í mér í gær reyndar..

Allaveganna. Drengurinn okkar var mældur og vigtaður nokkru eftir fæðinguna þannig að ég þegar ég sendi sms á línuna þá sagði ég að hann væri 14 merkur. Það kom svo í ljós að hann er 15 merkur (3870 gr.) og 52 cm. Hann fæddist með mikið hár og er allur hinn myndarlegasti bara. Ég er ennþá í e-i þoku þar sem ég hef fengið mjög takmarkaðan svefn síðastliðna tvo sólarhringa en ánægð og glöð svo ekki sé meira sagt. Ég hef ekki orku í að vera alveg í skýjunum einhvern veginn en það kemur..

Kannski maður leggi sig bara aðeins..

Set inn myndir á morgun!!!

Jóhanna Sigurðardóttir félagsmálaráðherra - you go girl!

Mikið ofboðslega er ég ánægð með hana Jóhönnu Sigurðardóttur félagsmálaráðherra.

Hún stendur sig svo vel og hefur alltaf gert. Hún er vinur litla mannsins, þolir ekki ójöfnuð og óréttlæti og gerir alltaf eitthvað í því, þ.e.a.s. hún framkvæmir, breytir hlutunum. Lætur menn ekki komast upp með neitt kjaftæði.

Enda er hún líka sá ráðherra sem hefur aldrei verið með neitt kjaftæði. Það er aldrei neitt bull í kringum Jóhönnu. Hún er gjörsamlega og algjörlega samkvæm sjálfri sér og breytir röngu í rétt. Enda jafnaðarmanneskja af húð og sál.

Jóhanna, þú ert uppáhalds ráðherrann minn:)

Yes!!!

Mikið ofboðslega er ég ánægð að við komumst áfram í Eurovision!!

Ég er nú enginn Eurovision fanatic eins og sumir (nefni engin nöfn) en ég komst bara í virkilegt keppnisskap í gær og þjóðerniskenndin blossaði upp... Ég fékk bara gæsahúð og læti þegar lagið okkar kom. Sjónvarpið var reyndar í botni og ég og Siggú að fíla okkur eins og okkur er einum lagið.. Það kom í ljós að ég kunni bara textann og alles!

Svo var ég varla að meika að horfa á úrslitin ég var svo spennt. Þetta var bara Trivial Pursuit all over. Það er svoooo sárt að tapa en lengst inni í manni blundar alltaf vonin..

Og það var svo gaman að komast áfram:) Jei!!!

Elska svona stjörnuspár..

Þetta er stjörnuspáin mín á mbl.is í dag:

Orka eldmerkisins þíns hitnar. Þú bræðir þig í gegnum lag af ís sem einhver hefur viðhaldið árum saman. Þú getur selt hvaða vöru eða hugmynd nú - svo góður ertu.

:)

JÆJA.....

Jæja.

Það er ekkert að gerast. Sem mér finnst svo skrýtið. Hef aldrei lent í því áður að fara yfir settan fæðingardag. Síðast þegar ég átti barn kom hann náttúrulega bara á settum tíma. Að sjálfsögðu. En núna.. er ekkert að gerast..

Ég er orðin quite the expert í aðferðum/heimaráðum við að koma fæðingunni af stað. Ég er búin að fara í nálastungur hjá Beggu frænku í þeirri viðleitni að koma mér af stað, búin að nudda/erta geirvörturnar, gera "heimaæfingar" eins og ljósmóðirin orðar það, búin að drekka rauðrunnatré og fullt af kaffi og fara í göngutúra. Ég frétti reyndar um daginn af einni aðferð sem á pottþétt að virka við að koma manni af stað en ég ætla ekki að gera það. Þessi aðferð er stólpípuaðferðin. I say no more.

Það er bara ekki séns að ég noti stólpípu eða laxerolíu í þeirri viðleitni að koma mér af stað. No suree bob. Ekki séns. Ekki að ræða það. Ég ætla að gera mitt besta til að forðast það að drulla yfir ljósmóðurina og láta maka minn sjá það.

Oj.

Allaveganna, ef einhver veit um fleiri aðferðir, endilega látið mig vita:)

Ljótan er nú á furðulega lágu stigi enn sem komið er. Maður er orðinn alveg HUGE en blessunarlega er ég laus við bjúgu og bólgu og svoleiðis. Thank God for small favours:) Hormónarnir eru aftur á móti farnir að segja til sín. Ég er farin að gráta yfir sjónvarpinu og þá aðallega fréttunum. Aumingja fólkið í Kína og Búrma. Jarðskjálftar og fellibylur og tugþúsundir manna liggja í valnum. Þar á meðal alveg fullt af börnum. Svo eru viðtöl við foreldra sem eru nýbúin að missa börnin sín. Mér finnst þetta endalaust sorglegt og finn mikið til með þessu fólki. Samt er þetta svo fjarlægt.

Ég er afskaplega þakklát fyrir öll mín lífsgæði og að vera svona tiltölulega örugg um lífsafkomu mína og minna.

Kærleikur og ást til allra þeirra sem eiga um sárt að binda eftir þessar hörmungar. Leiðinlegt hvað það er lítið sem maður getur gert til að hjálpa. Það gefur ekkert þessu fólki ástvini sína aftur..

Jæja..

Elsku litli bumbubúi.

Viltu koma út núna??? Gerðu það nú fyrir mömmu sína.. Hýsill þinn er orðinn leiður á að vera orðinn svona stór og nennir þessu ekki mikið lengur.

Koma svo.. já, núna.. Úúúúúúúúúút.

Am I going bonkers?

Nah, just a bit ..... big.

wtf

Eitthvað er ég ekki að fíla 24 stundir, fréttablað Morgunblaðsins þessa dagana. Ég er reyndar alveg að fíla blaðið en ég veit að það er nýbúið að ráða nýjan ritstjóra og eitthvað líst mér illa á forgangsröðunina á aðalfréttum dagsins á forsíðunni. O sei sei..

Tvisvar sinnum í þessari viku - TVISVAR - hefur aðalfréttin á forsíðunni verið að loka á elliheimilinu á Þingeyri í Dýrafirði í fjórar vikur í sumar, tveimur vistmönnum þess til mikils ama. Það á víst að færa þau yfir á elliheimilið á Ísafirði í þessar fjórar vikur sem starfsfólkið er í sumarfríi af sparnaðarástæðum, þ.e.a.s. í stað þess að ráða afleysingarmanneskju í þeirra stað. Já, þau eru hundsvekkt yfir þessu þessi tvö gamalmenni og annað þeirra, Camilla einhver, er hrædd um að hún fái þunglyndi aftur af öllum þessum flutningum og breytingum og það vill hún alls ekki. Ég sá neblilega líka viðtalið við þessa kellu í fréttunum.

HALLÓ!! Er í alvörunni ekkert merkilegra í fréttum sem á heima sem aðalfrétt á forsíðunni??!! Enginn skandall varðandi ráðningu Jakobs Frímanns sem verkefnisstjóra í Ráðhúsinu til dæmis, err yfir 100.000 manns LÉTUST í kjölfar fellibyls í Búrma og þar ríkir algert neyðarástand, emm kennari í HR hefur verið dæmdur fyrir kynferðisafbrot...

Allt í lagi að leyfa þessum tveimur hræðum á Þingeyri að njóta þess að vera aðalfréttin á forsíðunni einu sinni í þessari viku, en tvisvar.. Surely, það bara hlýtur að vera eitthvað meira að moða úr en þetta..

Hlakka til að leggja bílnum í sumar..

Já, ég verð að bæta upp fyrir það að ég nota bílinn frekar mikið þessa dagana.

Mér finnst svo notalegt á sumrin að leggja bílnum í nokkra daga í senn og labba, hjóla eða taka strætó í staðinn. Bæði kemst maður í betri tengsl við mannlífið OG maður er ekki að menga á meðan.

This is a promise to the environment. Svavan verður umhverfisvæn í sumar. Jú, víst!!

The Blue Lagoon

Excellent.

Fórum í Bláa lónið í dag og mikið afskaplega var það notalegt! Ég man ekki alveg hvenær ég fór síðast í Bláa lónið en mikið ofboðslega er það miklu flottari núna, í alla staði, en þegar ég fór síðast. Mér fannst þjónustan vera góð, það var þarna strákur í deskinu þegar við komum sem útskýrði alveg fyrir okkur hvernig þetta skápasystem virkar og svaraði öllum mínum spurningum vel og skilmerkilega.

Aðstaðan í búningsklefanum var hreint út sagt ævintýraleg þetta er svo flott. Ok, maður borgar náttúrulega 1800 kr. á kjaft (ókeypis fyrir börn) en samt, mér finnst þetta virkilega smart aðstaða. Það hefðu reyndar mátt vera færri konur í búningsklefanum þegar ég kom upp úr - ég þoli ekki þegar aðrar konur stara á mig í búningsklefum! "Já, ég er kasólétt, get over it" - en fyrir utan það var allt tip top. Það var meira að segja gaman að fara á klóið og það var æðislegt að fara í sturtu! Mér fannst þetta vera svo smart og lekkert. Ég gat meira að segja lokað að mér í sturtunni! Þvílíkur lúxus:) Það þyrfti reyndar að mínu mati að vera þannig aðstaða í öllum búningsklefum þar sem sú staðreynd að flestar útlenskar konur eru fáránlega spéhræddar og vilja alls ekki baða sig naktar fyrir framan aðrar konur er jú einmitt staðreynd sem er ekkert að hverfa. Svo að bara for sanitary sake þá þyrftu baðaðstöður á öllum opinberum stöðum að bjóða upp á fjölda lokaðra sturtna. Come to think about þá finnst mér bara annað fáránlegt.

Anyways, mér fannst lónið bara virkilega nice, ég hafði ekki áttað mig á því hvað það er fín aðstaða í lóninu til að slaka á eftir baðferðina. Allaveganna, það var virkilega notalegt að vera í sjálfu lóninu, það kom mér reyndar á óvart hvað það var mikið salt í vatninu en hárið á okkur er ekkert weird eða neitt eftir þessa stórkostlegu baðferð eins og ég man eftir að gerðist stundum þegar ég fór þegar ég var yngri. Svo er psoriasis-ið hans Óla miklu betra:) Reyndar akkúrat daginn áður en ég fer með hann til húðsjúkdómasérfræðings en.. það verður bara að hafa það að hún fái skekkta mynd af ástandinu..

Annars vil ég ljúka þessari færslu á að lýsa undrun minni og hneykslan yfir örlögum náttúruperlna Íslands. Þetta eru bara túristapleis! So sad. Mér fyndist einhvern veginn eðlilegra að börnin okkar myndu frekar alast upp við að fara á t.d. Þingvelli og Bláa lónið um helgar heldur en Kringluna og Smáralind og Ikea. En í staðinn þá eru þessar náttúruperlur okkar Íslendinga orðnar að pjúra túristapleisum. Það voru ekkert nema útlendingar í Bláa lóninu (nema starfsfólkið) og það voru ekkert nema útlendingar á Þingvöllum þegar við fórum þangað um síðustu helgi.

Og það eru ekkert nema Íslendingar að versla og versla og versla í Smáralind og Kringlunni og Ikea á sínum endalausa bílaflota svo vart er laust stæði.

Arg.

There is something so very wrong about this picture..