Jóladagur

Jóladagur er nú alltaf mest kósý:)

Lesa, borða, tveir göngutúrar í frábæru veðri, fór prívat ferð í kirkjugarðinn og setti kerti á sérstök leiði, svo afslöppun í faðmi fjölskyldunnar, sweet so sweet. Svo var svo flott að vakna í morgun í jólakyrrðinni, engin umferð, love it!

Facebook

Þetta er allt Facebook að kenna.

Sko, að ég blogga svo lítið meina ég. Ég er nú ekki mikil tölvukona að upplagi (fyrir utan að Svanur er alltaf í tölvunni) og þegar ég fer tékka ég fyrst á e-mailnum mínum og svo á Facebook, jú og svo náttúrulega mbl.is og hinum fréttamiðlunum. En bloggið verður út undan, þannig er það nú bara:/

Það er bara svo gaman á Facebook:) maður fær bara eitthvað út úr því að lesa um hvað Facebook vinirnir manns eru að bauka, hvað nákvæmlega það er veit ég ekki alveg. Einhvers konar fýsni og hnýsni, for sure.

Ég las t.d. stór frétt núna áðan á pressan.is og mín fyrstu viðbrögð voru að deila henni með Facebook. Whats up with that?

jæja, lofa að blogga meira síðar. Núna er ég, fyrir utan að jólastússast, að mála baðherbergið. My special project þessa dagana, bara gaman:)

vi ses senere, ja

Salka Valka

ég er að lesa svo æðislega bók:) Tók Sölku Völku eftir nóbelskáldið okkar á bókasafninu og nýt hvers orðs. Þvílíkt snilldarverk er þessi bók! Síðasta bók sem ég tók voru nefnilega mistök. Ég naut þeirrar bókar ekkert og komst að því þegar ég byrjaði á henni að ég var búin að lesa hana áður:/ Vil ekki nefna þá bók á nafn þar sem ég fíla ekki að dissa bækur eða höfunda á internetinu. Ég kýs frekar að hrósa fólki og verkum þeirra á þeim vettvangi.

Það er svo gott að lesa góða bók:) Hlakka til að vakna á morgun og lesa nokkrar blaðsíður.

Later.

Suðurland!

Við Svanur skruppum í helgarferð á Suðurland síðustu helgi. Við gistum á Fosshótelinu í Freysnesi, Öræfasveit og það var nú bara rosalega rómantískt þar sem við vorum einu gestirnir:)

Þetta var í fyrsta skiptið síðan Stefán Máni fæddist sem við vorum ein; ÁN BARNA. Og það var dásamlegt!

Hérna eru nokkrar myndir frá ferðinni:















Þessi mynd er tekin á ströndinni hjá Vík í Mýrdal. Dáldið svona hrikalegt landslag en þarna sjást Reynisdrangar (ég held að þessir drangar heiti örugglega Reynisdrangar.) What is up with my camera? Af hverju er neðri helmingurinn svona skrýtinn? Vona að hún sé nú ekki að fara taka upp á því að klikka:/















Svarta ströndin hjá Vík í Mýrdal
















Jökulsárlón.















Líka Jökulsárlón
















Svartifoss
















Black beach. Me loves it. Þessi mynd er tekin í Dyrhólaey. Þarna var farið að hvessa dáldið og sjórinn var rosalega kraftmikill.

Annars vorum við rosalega heppin með veður í þessari ferð okkar. Það var alger heppni að það var blankalogn báða dagana. Beautiful.
















Þessi mynd finnst mér æðisleg. Hún sýnir að ég náði markmiði mínu sem var að sjá "svörtu ströndina með klettunum á Suðurlandi" og Jökulsárlón. Síðan voru Svartifoss í Skaftafelli og Dyrhólaey bara bónus:)

Ég sé reyndar á þessari mynd að myndavélin hefur klikkað neðst aftur. Rosa "svört" strönd þarna neðst..

Evs

Eftirlitsmaðurinn

Ég fór á æðislegt leikrit í gærkvöldi með Beggu vinkonu.

Eftirlitsmaðurinn er leikrit sem Nemendaleikhús LHÍ setur upp. Þvílík snilld!!!

Ég vissi að það var góð hugmynd að fara á þetta verk. Hef einu sinni áður farið á svona nemendaleikhús og það var líka æðislegt. Þarna er krafturinn og lífæðin í ungum íslenskum leikurum. Leikararnir eru svo ferskir, svo lifandi, svo nýjir og svo fullir af orku að sýningarnar bara geta ekki klikkað.

Í bæði skiptin sem ég hef farið á svona nemendaleikhús sat ég á fremsta bekk og að mínu viti skiptir það líka öllu máli í hlutverki mínu sem áhorfanda. Á fremsta bekk fær maður leiksýninguna beint í æð. Á fremsta bekk er engin hætta á að maður missi einbeitinguna og fari að hugsa um eitthvað annað. Á fremsta bekk sér maður allt og er í nánu sambandi við leikendurnar. Þeir eru bókstaflega beint fyrir framan nefið á manni! Æðislegt!

Allaveganna, eftir sýninguna í gærkvöldi er ég ennþá innblásin, ennþá bergnumin og hrifin og ennþá undir áhrifum nýrra hæfileikra og nýrrar orku.

Garg!

Nemendaleikhús LHÍ, takk fyrir mig!

Imagine there were purer air - it isn't hard to do

Urg.

Eins og svo oft áður er ég örg af því að mér finnst loftið í miðju Reykjavíkur, þar sem ég bý, vera óhreint og mengað. Svifryksmengun hefur farið yfir hættumörg í hverfinu mínu oftar í ár en eðlilegt getur talist. Getur fólk ómögulega notað bílinn minna??

Mitt svar? Flytja.

Ég er hér með opin fyrir því að flytja í hreinna loft og til grænna svæðis. Út á land? Hví ekki?

Það er komin tími á breytingar, ó já.

Rauði krossinn

Jæja,

nú er stelpan orðin sjálfboðaliði hjá Rauða krossinum og líkar bara vel. Ég tek eina 4ra tíma vakt á viku í Rauða kross búðinni og fer tvisvar í viku upp í Gerðuberg og aðstoða innflytjendur á grunnskólaaldri við að læra heima. Á fimmtudögum er ég bæði í búðinni og uppi í Gerðubergi og í dag er einmitt fimmtudagur:)

Ég verð að segja að mér finnst þessa sjálfboðavinna vera ótrúlega gefandi. Það er svo gott að gefa til baka til samfélagsins og það er einhver fáránleg vellíðan sem fylgir þessu starfi. Skrýtið.

Atvinnuleitin gengur ekki nógu vel. Það eru rosalega margir sem sitja um þau störf sem í boði eru núna. Ég held þó áfram að reyna, að sjálfsögðu. Ég sendi t.d. ferilskrána mína á fimm fyrirtæki í vikunni og fór í viðtal á ráðningaskrifstofu.

Strákarnir mínir fá í staðinn meira af mér, sem er nú gott.

Ást og friður.

AAaahh yes!

Fékk nákvæmlega það sem ég þurfti síðustu helgi.

Ferð út á land þar sem ég komst í nána snertingu við íslenska náttúru og hreint loft ... á hestbaki!! Það er nú bara orðið dáldið síðan að ég hef fundið svona djúpa ánægjutilfinningu enda er ég farin að halda að svoleiðis upplifi maður ekki í menguðu borgarloftinu.

Við fórum norður á Ljótunnarstaði til tengdó í smölun. Það var bara aldeilis fínt að eltast við þessar rollur út í íslenskri víðáttunni. Ég tala nú ekki um þegar ég komst óvænt á hestbak, ég sem hef aðeins gert svoleiðis tvisvar áður!

Síðan var bara Svavan í banastuði á hestbakinu með Þurý (systir hans Svans) að reka kindur yfir ár og firnindi í hríð og kulda, shi.. hvað þetta var gaman:) Svo átti ég að reka kindurnar meðfram sjónum nema hvað að ég er í svo miklu stuði að ég fer bara jíííha! langt framúr öllum hinum sem voru að smala (það átti sko ekki að gerast)..

Anyways, svo gistum við á í Tangarhúsinu á Borðeyri og þetta var bara allt yndislegt:)

Haustlitirnir

Elska haustlitina. Það er ótrúlegt hvað þessir haustlitir geta komið vel út í gróðrinum hérna í borginni. Heilu runnarnir eru bara orðnir að listaverkum:)

love it

Aarg!

Mér líður eins og ég búi í bavíanalýðveldi.

Fréttir um kynferðislegt ofbeldi á börnum í stofnunum þessa lands er eins og að kasta olíu á eld vaxandi vantrúar minnar á íslenska ríkið og eftirlitsstofnanir. AAaaarrgghh! Does "eftirlit" mean squat to you people??!! Kræst.

Það var sannarlega sárt fyrir íslensku þjóðina að frétta af þeim hörmungum sem áttu sér stað á vistheimilinu í Breiðuvík fyrir rúmri hálfri öld síðan, en að frétta í ofanálag af kynferðislegu og andlegu ofbeldi á heyrnarlausum börnum í Heyrnaleysingjaskólanum og á vistheimilunum Kumbaravogi og Bjargi er bara fáránlegt. Ég er hreinlega búin að missa trúna á íslenska ríkið og mér líður eins og ég búi í bavíanalýðveldi.

Ég er eiginlega reiðari yfir þessu heldur en eftirlitsleysi stjórnvalda yfir fjármálakerfi landsins í aðdraganda hrunsins. Í tilfelli vistheimilanna er um saklaus börn að ræða sem koma til með að bera ör á sálinni fyrir lífstíð vegna þess að þeim var komið í hendur á hálfvitum af íslenska ríkinu. Var ekki nógu mikið lagt á þessi börn að vera heyrnarlaus? Það hefur komið fram að allaveganna einn heyrnarlaus drengur framdi sjálfsmorð í kjölfar þessa atburða.

Í kjölfar Breiðavíkursmálsins kom í ljós að flestir af "Breiðavíkurdrengjunum" gekk afar illa að fóta sig í lífinu eftir vistina á Breiðuvíkurheimilinu og eru rónar og eyðilagðir menn í dag.

Eftirlit - eftirlit - eftirlit. It's not just a word. It actually has a meaning and needs to be enforced efficiantly. EFFICIANTLY!!

Djöfull er ég orðin þreytt á þessu landi.

Nei annars, það er ekki rétt. Ég er frekar þreytt á aðstæðunum hérna.

Ljósanótt Reykjanesbæ

Skelltum okkur á Ljósanótt í Reykjanesbæ í gærkvöldi. Mikið ofboðslega sé ég ekki eftir því:)

Við fórum beint í bátinn til ma+pa og grilluðum með þeim (eða réttara sagt pabbi grillaði), síðan röltum við um hátíðina og sáum (aðallega heyrðum) ýmis tónlistaratriði þ.á.m. Eirík Hauksson, Bo og Jóhann G. Æ, ég skammast mín ekkert fyrir að hafa sungið og dillað mér með;) Ég var bara að fíla mig með the oldies, já já. Svo tók Erna Hrönn tvö lög, mikið ofboðslega er hún góð söngkona! Það var svo mikil Rúnar Júl stemmning, gaman að heyra öll þessi gömlu og góðu lög, já, svo var bara gaman að vera með ma+pa á tónleikum, alveg hreint indælt.

Já, og svo var flugeldasýningin ekkert smá flott! Bara dúndurgott show,

takk fyrir okkur!

Ready, willing and able

er í krísu.

Ég er svo tilbúin til að fara vinna. Strákarnir eru báðir núna komnir með vistun allan daginn (Óli fer eftir hádegi á frístundaheimili og Máni er hjá dagmömmu) en ég er ENNÞÁ atvinnuleitandi.

God, this is so harsh:/

Ég er byrjuð að fara í viðtöl sem er nú ágætt. Þangað til fannst mér eins og umsóknirnar mínar hyrfu bara inn í eitthvert svarthol þar sem ég heyrði aldrei blíb.. Fór í eitt viðtal í Háskóla Íslands. Þar sóttu víst 38 um stöðuna og ég veit núna að ég fékk hana ekki. Ég fór í viðtal í gær og svo er bara að vona, og biðja..

fingers crossed!

Later!

Aarg!

Máni er orðinn pabbastrákur. To the extreme - bara 100%. Segir ekkert nema BA-BA.

Þetta er sárt. Hann er orðinn bara skrýtinn við mig og vill BARA vera hjá pabba sínum. Hann snýr t.d. baki í mig núna meðan hann kúrar sig hjá pabba sínum.

Urg.

Skrifað nokkrum dögum síðar: Ástandið búið að batna til muna núna:)

Menningarnótt (og ég með prentræpu)

Átti alveg hreint ágætis dag. Vorum reyndar fótgangandi frá því um kl. 13 og alveg til 21. Er frekar þreytt í löppunum! Dáist af honum Óla mínum sem var reyndar á hlaupahjóli en labbaði líka upp og niður 19 hæðir á Höfðatorgi þar sem lyftan var biluð.

Byrjuðum á því að rölta upp í Landsnet sem er nú bara rétt fyrir ofan þar sem ég á heima í Hlíðunum. Þarna er hvorki meira né minna en stjórnstöð rafmagnskerfis Íslands (frekar töff að sjá stóra skjáinn með landakorti af Íslandi rafmagnslega séð, t.d. sá maður greinilega hvar álverin eru og svona).

Anyways, við hvorki meira né minna en RÖLTUM svo niðrá Höfðatorg. Fórum líka inní Höfða þar sem leiðtogafundurinn 1986 var. Ég, stjórnmálafræðingurinn, svo vissi alveg að það var árið 1986 en ekki árið 1989, einmitt.. Skoðuðum svo Höfðatorg og sáum þegar björgunarsveitakonur sigu þarna niður, jú jú. Löbbuðum svo til elsku Tryggva bróður míns á Leifsgötuna og fengum kaffi og svona.. Héldum þessari rosa göngu áfram og niðrí bæ, út að borða á Basil&Lime (af illri nauðsyn þar sem við þurftum að borða kvöldmat, vorum orðin svöng og vorum niðrí bæ ekki á bíl.) Allt í lagi, en ji hvað það er ekki afslappandi að vera á semi fínum veitingastað með börn.. Stefán Máni sem oftast er nú alveg góður tók upp á því að láta ýmis mjög hávær hljóð út úr sér eins og BA-BA (pabbi) og svo var hann að emja eitthvað.. já, og var náttúrulega með hendurnar í allt og öllu.. phew!

Anyhows, hittum gott fólk og nokkra kunningja og röltum út um allt og svo ji minn eini RÖLTUM við heim. Er orðin ansi þreytt og gæfi mikið fyrir fótanudd núna, já eða bara heilnudd ef út í það er farið, úje.

Anyways, datt í hug að deila þessu með netheimum. For no apparant reason.

Later!

And back again

oh well.

Er víst ekki að fara vinna hjá Emami. Þau voru að leita að manneskju með miklu meiri reynslu í bókhaldi (10 ára reynslu helst) og manneskju með miklu meira peningavit líka. Átti víst að hjálpa til við að græða fullt af pening og spara fullt af pening. Hmm, ef ég kynni það upp á 10 væri ég ef til vill komin með jeppann og einbýlishúsið by now..

oh well.

I guess I'm meant for greater things. Or other things...

evs.

P.s. það er ástæða fyrir því að ég fór ekki í viðskiptafræði. Hún einfaldlega heillar mig ekki.

Ég elska þig pabbi

og mikið væri ég ánægð ef þú myndir gera mér þann heiður að commenta á bloggið mitt.

(Fyrir nokkrum árum síðan var ég með fáránlegan skæting af því að pabbi commentaði á bloggið mitt, mér fannst það ekki nógu kúl. En núna hef ég séð ljósið, am all grown up og er löngu hætt að spá hvað er kúl og hvað ekki. Næstum því.)

Working girl

Funny how one phone call can change your life.

Stelpan komin í vinnu hjá EMAMI sem er tískufyrirtæki í Hafnarfirði. So far so brilliant. Er voða spennt, það er svo gaman að fá ný og krefjandi verkefni:) Ég verð sýnist mér í skrifstofuvinnu og bókhaldi auk þess að gera alls konar hluti. Mér sýnist allaveganna ekki vanta fjölbreytnina í starfið og nógu skemmtilegt er þetta.

Svo að ég er frekar sátt. Vinn þarna 08:00 til 16:00 virka daga.

Vildi bara deila þessu með ykkur, hver sem þið eruð...

P.s. er alvarlega að spá í að hætta að horfa á fréttir. Já, mér er barasta fúlasta alvara með þetta. Verst að ég gleymi þessu alltaf og horfi óvart á þær. En batnandi mönnum er best að lifa, ójé

:)

Feel like dancing

Fór á Gaypride gönguna í gær og mikið ofboðslega fann ég vel þörf mína fyrir að dansa.

Mikið rosalega er langt síðan ég fór út að dansa. Ég bara man ekki alveg hvenær það var! Mikið var gaman þegar maður gat bara dansað langt fram á nótt. En núna langar mig ekkert að dansa langt fram á nótt.

Mig langar bara að dansa!

Er rangt að elska þögnina?

(Skrifað seint um kvöld) Ég elska hvernig mér líður núna. Blokkin er loksins þögnuð. Umferðin er nær engin. Allt er að róast. Man, hvað ég elska þögnina. Mér finnst margir aðrir leita að glaumnum og gefa lítið fyrir þögnina. Þetta á ég erfitt með að skilja. Ég spái því að þegar ég verð eldri og börnin flogin úr hreiðrinu á ég heima í húsi langt frá öðrum húsum. Til að forðast lætin. Ég þrái þögnina. Hún nærir mig. Þetta minnir mig smá á atriði úr Friends þar sem Monica og Rachel eru að kíta eitthvað og önnur hvor segir við hina: "each day you are becoming more and more like your mother!" Sko, ég er farin að finna fyrir genum ömmu minnar í mér.. hehe. Og genum móður minnar. En mér finnst það allt í lagi. Ég er fullkomlega sátt. Ætla samt að passa mig rosalega vel að fara ekki að eldast um aldur fram. Hef hugsað mér að ota priki í minn innri rokkara. Fast. Ætlar hann bara að sofa þetta af sér eða... Anyways, just a thought

Hot yoga class

Loksins fór ég í Hot yoga tíma í World Class Laugum. Hafði einu sinni áður gert strangheiðarlega tilraun til að fara og var búin að gera ítarlega áætlun og eftirfylgni til að komast í það skipti (oft mál að fá pössun á meðan) en þá var fullt í tímann.

Komst að því í gær að maður verður eiginlega að mæta 20 min. fyrir tímann og taka frá dýnu ef maður ætlar að fá pláss í tímanum, svo vinsæll er þessi tími. Enda var ég næstum uppí rassinum á gæjanum við hliðina á mér. P.s. þetta er pottþétt góður tími fyrir einmana fólk, maður kemst allaveganna í mjög náið samneyti við fólkið við hliðina á sér!

Það var samt ekki fyrr en í morgun þegar ég vaknaði að ég áttaði mig á því hvað þetta var góður tími í gær. Ég svaf eins og steinn og þegar ég vaknaði leið mér eins og nýútsprungnu blómi. Það er eitthvað við hitann í tímanum. Maður svitnar mikið og líkaminn mýkist að maður kemst dýpra í stöðurnar. Þetta er eiginlega bara algert detox, maður svitnar út alls konar eiturefnum og mér líður hreinlega eins og frumurnar í mér hafi endurnýjast.

Sem sagt: thumbs up! Big time

Summer of 2009

Þetta sumar er dáldið svona öðruvísi finnst mér. Sem er kannski bara allt í lagi.

Sumarið 2008 var líka svo viðburðaríkt og efnismikið að það hreinlega tilheyrir að hafa eitt svona rólegt sumar. Sumarið 2008 var líka svo "2007" og þetta sumar er náttla bara svo "2009". Það er verið að gera við blokkina mína og útgjöld því tengt hafa sett strik í peningamálin, já og svo kreppan smá líka.

Ég fór þó til Flatey og ætli það megi ekki teljast hápunktur sumarsins þetta sumarið fyrir mig, já og Snæfellsjökulsferðin með Beggu. Síðan erum við búin að fara svona smá ferðir út á land um helgar.. Upp á Esjuna með strákana og Botnsdalinn og svona..

Eins og alltaf er ég frekar sátt við að vera bara heima eða gera eitthvað sérlega rólegt um verslunarmannahelgina (næsta helgi). Ég fæ þvílíka unun af því að kósa mig upp í sófa og horfa í fréttunum á fólk í ruglinu á hinum ýmsu tjaldstæðum landsins. Ég er alltaf jafn glimrandi fegin að vera ekki ein af þeim, hahaha. Ég kemst bara í ágætis skap við tilhugsunina!

Annars verðum við að fara nota barnahaldarann sem Svanur keypti meira svo hann svari kostnaði. Förum að öllum líkindum í ágúst í e-a göngutúra.

Anyways, ákvað að taka mér tíma til að blogga smá og taka mér smá frí frá Facebook. Annars er það af mér að frétta að ég er í ATVINNULEIT. En það eru náttla ekki nýjar fréttir, pha..

Adios amigos!

Evrópusambandið

Var að vafra á netinu og sá flott quote sem á vel við um aðildarviðræður Íslands að ESB, held að það sé frá hinu mikla þjóðernissinnaða skáldi Jónasi frá Hriflu:

"Hjartað segir nei en heilinn segir já"

Mér finnst þetta eiga einstaklega vel við.

Beverly Hills 90210

Þegar ég var á gelgjunni ELSKAÐI ég Beverly Hills 90210. Hva, ég geri það meira að segja ennþá.

Það er bara eitthvað. Þegar ég horfi á þessa þætti þá bara sogast ég inn í þennan Beverly Hills 90210 heim. Það eru allir svo sætir og fullkomnir eitthvað og allt er svo nice and dandy. En það kemur auðvitað upp einhver klemma í hverjum þætti.. ji, hvað ég elska(ði) þessa þætti!

Fyrir rosalega mörgum árum síðan þegar þættirnir komu fyrst var ég hrifin af leikaranum sem lék Brandon (held hann heiti Jason Priestley), svo var ég skotin í David. Oh, David... ;) Bíddu, jú, ég man meira að segja hvað sá leikari heitir: Brian Austin Green. Mig minnir að ég hafi líka verið skotin smá í þeim sem lék Dylan, eða nei..

Ég á nokkra Beverly Hills 90210 þætti á videospólu og fæst ekki til að henda þeim. Það tekur mig sáran þegar fólk dissar þessa þætti. Oftast eru þetta karlmenn, en ég held að þættirnir höfði miklu meira til stelpna en stráka. (Það er allt svo fullkomið þarna!)

It's a girl thing.

Evrópusambandið

Ég skipti um skoðun nánast daglega hvort Ísland eigi að sækjast eftir Evrópusambandsaðild. Það fer eiginlega bara eftir því í hvaða félagsskap ég er.

Ég var í mat hjá ma+pa í gær þar sem allir eru á móti aðild og ég kóaði með og sagði actually "hverjum er ekki sama?" þegar var verið að tala illa um aðild og meinti það líka.

Svo þurfti ekki annað en að hlusta á Evrópusinna í nokkrar mínútur og kviss, bamm, búmm. Ég er aftur hlynnt.

En þá verðum við að borga Icesave. Andskotinn hafi það.

Þjónn!

Komdu sæll:)

Mig langar til að panta ævilanga hamingju, mitt eigið einbýlishús með garði og girðingu, fullkomið hjónaband, eilíft heilbrigði og eilífa lukku og hamingju fyrir börnin mín, skemmtilegt starf, nóg af ferðalögum, fleiri vini og gleðilega framtíð. Takk. (Þjónninn fær mitt allra sætasta bros)

Löng bið?

Hangover

Hló næstum allan tímann. Nákvæmlega myndin sem ég var að leita að og fann. Ég actually réð ekki við tárin ég hló svo mikið á einum tímapunkti..

:)

Note to self: klósettið með fatlaða merkinu á er bara fyrir fatlað fólk. (Lenti í leiðinlegu atviki í hléinu..)

Hrunið

Hvernig datt fólki í hug að einkavæða bankanna?! Einkageirinn stjórnast af græðgi og markmiðið er hagnaður, sama hvað það kostar.

I don't get it.

Þetta var verk Framsóknarflokksins og Sjálfsstæðisflokksins og þessir flokkar ættu að fara í mjög langt frí. Mér finnst ferlega skrýtið að heyra Sigmund Davíð, formann Framsóknarflokksins, lýsa því yfir að núverandi stjórn sé líklegast versta stjórn sem setið hefur. Eh, hello! Hvernig væri að líta í eigin barm Sigmundur? (eða eigin flokk réttara sagt)

Reyndar finnst mér eina vitið þessa dagana vera í Birgittu, þingmanni Borgaraflokksins. Þarna er kona með fulle femm. Meira svona!

Snæfellsjökull, ferð 19. júní 2009

Við Begga skelltum okkur í ferð upp á Snæfellsjökul með Ferðafélagi Íslands um daginn. Við vorum ekki þær einu. Ó, nei. 249 aðrir líka! Það sem hefur alltaf heillað mig við Snæfellsjökul er orkan sem af honum stafar og þessi stóíska ró og KYRRÐ sem maður er alltaf að leita að. Held ég verði bara að fara aftur seinna til að upplifa það því þegar allt þetta fólk var komið upp á toppinn var náttla bara sungið og trallað:)

Hérna er Begga babe við rætur jökulsins..



















Hérna er ég líka..
















Þetta var ekkert mál! Náttla bara smá þreytuverkir og svona meðan maður var að þessu púli en núna finnst mér eins og þetta hafi bara verið léttur göngutúr.. Ef myndin fyrir ofan er stækkuð sést að lengst til vinstri er Haraldur Örn pólfari (maðurinn sem hefur gengið á öll stóru fjöllinn og jöklana..).

Útsýnismyndir:
















Mæli alveg með að stækka þessa mynd, útsýnið var gorgeous! Sáum yfir allan Breiðafjörðinn og allan Faxaflóa og einhver sagðist sjá Reykjanesið jafnvel. Við vorum einstaklega heppin með veður, þess vegna komu svona margir held ég (við settum fjöldamet by the way).















Halarófan..































Begga á toppnum!

Maður var svo upptekinn af því að labba að maður hafði varla tíma til að taka myndir. Ég var eitthvað að hafa áhyggjur af því að geta ekki pissað neins staðar á jöklinum (þetta er nú ansi löng ganga), mér til lítillar ánægju var útbúið eins konar kvennaklósett sem var einfaldlega hola sem grafin var með skóflu. Það var ekki séns að ég gæti pissað við þessar aðstæður en gerði þó heiðarlega tilraun með rassinn upp í vindinn í dáldinn tíma. Svo var stoppupásinni lokið og halarófan hélt af stað fram hjá þessu "klósetti" sem ég var að reyna að pissa í ... hef nú ekki upplifað óþægilegri aðstæður til að pissa í! Pha..

Ég skammast mín fyrir að segja það en ég hef nú eiginlega ekki verið úti eftir miðnætti í ehemm.. marga mánuði núna skulum við segja svo þetta var nú smá svona viðburður hjá mér. Við lögðum af stað um 17 leytið frá Reykjavíkinni og komum aftur heim um 06:30. Við vorum á toppnum svona um 01:40 eða eitthvað álíka. Komum niður um 03:00.

Allaveganna, sé nú alls ekki eftir að hafa farið en fer í fámennari hópi næst. Kannski bara með kallinum.

:)

Myndir úr Flatey

Það er ýmislegt sem heillar mann í Flatey

















Breiðafjörðurinn hefur alveg sérstakan sjarma..




















Hérna er Óli barnapía að labba með bróður sinn niðrá bryggju að taka á móti ferjunni (það er samt öruggara að passa hann líka;))















Þarna er verið að skoða eitthvað voðalega spennandi..















Hvað er það? Hvað er það?!















Ahhh, gersemar hafsins..
















Elsku pabbi náði í þær úr hafinu





















Biskupinn var staddur í eynni til að goodera ("visitera"?) Flateyjarkirkjuna og kallaði öll börnin til sín eftir predikunina. Hérna er hann að rétta Óla mínum sérstakan kross en öll börnin fengu svona kross til að fara með..

Next up: Snæfellsjökulsblogg

Innreið nútímans

Jæja. Núna er ég búin að vera í Flatey í þrjár nætur og fjóra daga. Erum búin að vera ákaflega heppin með veður og gátum meira að segja borðað kvöldmatinn úti á palli í gær:)

Það liggur við að ég harmi innreið nútímans í Flatey. Núna er komið fullkomið gsm samband í eyna og stemmningin er smá öðruvísi vegna þessa. Fórum í messu á sunnudaginn (biskupinn kom í eyna og þá fara flestir sem vettlingi geta valdið þangað sem eitthvað er að gerast..) og tvisvar sinnum byrjaði gemsi að hringja meðan biskupinn talaði.

Maybe I'm getting old but this annoyed me. Stundum bara vill fólk komast í burt frá gsm símum og tölvum. Yes? (no??)

Anyhows, elska tímaleysið sem er hérna. Ég meira að segja gleymdi að hringja í vinkonu mína í dag (var búin að lofa að hringja kl. 16) svo bara pluff steingleymdi ég því. Gleymdi líka að kíkja á klukkuna.

Tók þátt í sjómannslífinu með ma+pa á bátnum í dag. Pabbi fór og kafaði eftir nokkrum gersemum hafsins og gerðum "við" (ekki ég) fiskisúpu. Lostæti! Magnificent!

Æði spæði. Over and out.

Kem víst í siðmenninguna á morgun:/ (langar ekkert heim til Reykjavíkur í lætin og mengunina..urg)

Mótmæli

Ég fór að mótmæla á Austurvelli í fyrradag.

Verð að segja ég komst bara í ágætis fíling. Maður var bara eitthvað svo pirraður út af þessu Icesave dæmi öllu. Eins og stóð á einu skiltinu: Af hverju eigum við að borga? Ég byrjaði að klappa þarna og svona og fannst þetta bara voða spennandi. En síðan fór ég finna dáldið svona slæmt karma yfir fólkinu. Fólk er bara svo svekkt og pirrað eitthvað.. Kona fyrir aftan mig hélt á skíðastöfum og skellti þeim saman til að búa til hávaða og hrópaði: Út með ruslið! Út út með þetta lið! dáldið svona þvoglumælt kannski, veit ekki alveg. Gamall karl fyrir framan mig barði sér á brjóst og gaf Alþingi fokkjú merki og svo hnefann. Gamall kunningi minn settist á tröppurnar með miða sem á stóð: Ekki drepa mig! eða eitthvað álíka.

...

Ég var aftur niðrí bæ á sama tíma í gær og verð bara að segja að ég fann mig alls ekki knúna til að mótmæla. Mér hefði liðið eins og asna hefði ég farið að mótmæla af því að núverandi stjórnvöld eru í rauninni að díla við skelfilega arfleifð Sjálfstæðismanna og Framsóknarmanna. Þetta er allt þeim að kenna. Jú víst! Og svo útrásarvíkingunum.

Verð að segja að ég treysti núverandi ríkisstjórn mun betur til að leiða málin að lyktum en plebbunum sem sofnuðu á verðinum og sigldu saklausum þegnum Íslands að feigðarósi ásamt fleiri heimskum karlmönnum.

Og hananú. Verð græn jafnaðarmanneskja að eilífu.

Myndablogg

Jæja, nú er um að gera að skella nokkrum myndum inn. Ehemm, þetta er nú alveg frá því um páskana sko, hef verið eitthvað löt við að koma myndum inn í tölvuna..
















Þessi mynd er tekin um páskana sem sagt..




















Hér er Sólin með smá tískusýningu:)















Hér er Stefán Máni kominn í maísinn..




















Stefán í ömmupeysu
















The girls á Austurvelli:)
















Me, me, me!!!
















Ég með fugli..




















Eins árs afmælisstrákur:):)

Nenni ekki meir.

Njótið dagsins!

Dazed and confused..

Fór í Reykjadalinn í dag með Svani (þetta er rétt fyrir ofan Hveragerði). Þessi staður er svooo æðislegur. Náttúrufegurðin þarna er yndisleg og maður sér flesta litina í litrófinu á þessu hverasvæði.

Fór í fyrsta skiptið í hot springið þarna (var í bikiní). Aaaaahhhhh, það var yndislegt.

Er einstaklega hreykin af mér fyrir að hafa farið í þennan "göngutúr" þrátt fyrir fáránlega nótt þar sem Óli minn vakti mig nokkrum sinnum og Stefán Máni einu sinni. Við yfirheyrslur í morgunsárið kom í ljós að Óli þorði ekki að fara sofa af því að hann var svo hræddur út af myndinni sem hann sá í bíó á laugardaginn (Coraline 3D þrívíddarmynd). Hann var líka búinn að dreyma illa og fékk martröð að eigin sögn nóttina þar áður.

Þó að þetta sé merkt sem barnamynd og er á tíma um helgar þegar börn fara í bíó (og það var fullt af börnum í bíó á þessari mynd) þá náði hún nú samt að hræða drenginn minn svona. Ég var ekki með en apparantly breytast foreldrarnir í myndinni í "ógeðslega zombie's" ásamt öllum öðrum og áðan sagði Óli mér að hann hefði reynt að hugsa um mig í nótt en séð mig með tölum í stað augna (eins og kom fyrir í myndinni).

I'm not impressed.

Next up: myndablogg

Jæja..

Núna er í burðarliðunum að gera kvikmynd eftir Vetrarsól, bókinni sem ég er að lesa eftir Auði Jónsdóttur. Ég sem var að gefast upp á henni!

Sá í Fréttablaðinu að Silja Hauksdóttir, leikstjóri, hefur áhuga á að gera kvikmynd eftir bókinni. Ég sé nú reyndar fyrir mér hvað-heitir-hún-æ-sem-lék-Edith-Piaf? fyrir mér sem aðalsöguhetjuna. Held hún heiti Brynhildur.. Hún lék í Brák og er í Stelpunum..

Anyways, maður fer ekki að gefast upp á bókinni úr þessu..

Status of hair:

My hair is in sheer agony. It is in desperate need of attention. Desperate! Must see mercyfull hairstylist ASAP.

Snilld

Bekkjarsystir mín úr grunnskóla (Árný Ingvarsdóttir, sálfræðingur) setti frábært innlegg inn á Facebook um daginn, það er einhvernveginn svona:

Be who you are and say what you feel because those who mind don't matter and those who matter don't mind

Þetta finnst mér fallegt og satt. Maður á ekki að vera með neina grímu.

I don't get it..

.. af hverju langar manni að gefa henni, sem á víst nóg af peningum, að borða?

Ég hélt að þetta horaða ano look væri has been. Really..

I must say..

.. að ég er vonsvikin með grunnskólamenntun mína. Aðeins að tvennu leyti þó, allt hitt var frábært.

1) í Bandaríkjunum eru börn látin tjá sig fyrir framan bekkjarfélaga sína ansi frequently að mér skilst. Börn hafa án efa gott að þessu þar sem það verður svo mikið auðveldara fyrir þau að tjá sig fyrir framan aðra þegar þau verða fullorðin. Ég man ekki eftir öðru en að við höfum verið látin lesa ljóð fyrir framan bekkinn í mínum grunnskóla en þá með öðrum. (Ég man líka að þetta var hálf stressandi þar sem við áttum að kunna ljóðin utanbókar..)

2) Landafræðin. Ég vildi að landafræðikennslan hefði verið meiri, þá myndi ég kannski geta staðið mig betur í Trivial Pursuit...

svo finnst mér reyndar að bókhald og vélritun hefðu mátt vera aðeins meira áberandi þegar komið var í gaggó. Man að ég fór bara ekkert í vélritun þar sem það var valáfangi og mér fannst vera of mikil læti í stofunni þar sem allir voru að pikka í gríð og erg..

en, Hvassó var nú alls ekki alslæmur, nei, nei. Ég fór nú reyndar í skólann um daginn og það er búið að breyta honum svo mikið að ég þekkti varla gamla skólann minn.. Pétur Orri var nú samt ennþá skólastjóri og jú, nokkrir af gömlu kennurunum. En skólinn hafði breyst svaðalega mikið.

Alveg svaðalega!

Aldrei að vantreysta innsæi móður.

Fékk hugboð um að fara með Stefán Mána til læknis í dag. Eða kannski meira svona common sence en hugboð og innsæi..

Guttinn fékk sýklalyf þar sem hann er með hálsbólgu og eyrnabólgu í öðru eyranu. Hann hóstar svo til alla nóttina núna svo að það hlaut að vera eitthvað..

Ég er allaveganna ánægð með að hafa fengið lyf fyrir hann, svo er bara vonandi að bú-ið fari..

Ja hérna..

Fólk byrjað að mótmæla aftur og leikskólabörn syngja glöð í sinni: Vanhæf ríkisstjórn!

Þetta er Ísland í dag.

Hérna er verðtryggingin allt að drepa. Halló, hvað með að afnema verðtrygginguna eða laga þetta kerfi? Það meikar engan sens að kaupa íbúð á 10 milljónir og skulda núna 18 milljónir í henni eins og ein reynslusagan er.. aumingja konan sem er einstæð móðir með tvö börn segist varla eiga í sig og á.

Helvítis fokking fokk.

Readers dilemma

Var að byrja á nýrri bók sem ég veit ekkert um annað en það að hún heitir Vetrarsól og er eftir Auði Jónsdóttur. Mér finnst dáldið "erfitt" að byrja á nýrri bók þegar maður er búinn að lesa þrjár brilliant bækur í röð. Hmm, veit að Auður skrifaði Fólkið í kjallaranum sem ég hef reyndar ekki lesið en.. eftir að hafa lesið þessi meistarastykki er maður farinn að hafa ansi háan standard, yes?

Af hverju er mér í nöp við Framsóknarflokkinn?

Af því að þeir hafa látið mig missa trúna á lýðræði á Íslandi.

Hvernig gat það gerst í lýðveldisríkinu Íslandi að flokkur sem hafði u.þ.b. 5-7% fylgi allra landsmanna á bakvið sig komst í ríkisstjórn og klíndi tveim kolsvörtum blettum á sögu íslenska ríkisins?

Númer eitt: Stuðningurinn við stríðið í Írak (Halldór Ásgrímsson, þáverandi utanríkisráðherra). Skítur sem er óhreinsanlegur með öllu, svartur blettur á þjóðarsálinni.

Númer tvö: Einkavæðing bankanna (Valgerður Sverrisdóttir, þáverandi viðskiptaráðherra). Mind numbingly stupid. Olli kerfishruni.

Next up: skemmtileg ópólitísk færsla! :D

Æi..

Mikið væri gaman ef að vinstri menn gætu sameinast núna og bjargað málunum hérna á klakanum.

Það var hins vegar með því fyrsta sem ég lærði í stjórnmálafræðinni að vinstri stjórn hefur aldrei lifað heilt kjörtímabil hér á Fróni. Því fer nú verr og miður. Þær hafa alltaf sprungið vegna innri ágreinings.

Núna styð ég Samfylkinguna. Bæði af því að ég er jafnaðarmanneskja og vegna þess að ég Evrópusinni. Ég vildi óska að Vinstri grænir myndu hætta að vera svona neikvæðir og afturhaldssamir. Þetta virðast stundum bara vera nei-manneskjur upp til hópa.

Þetta er nú samt vara flokkurinn minn. Ég hef kosið hann hingað til.

Mér er í nöp við Framsókn og kem til með að skýra það nánar á morgun. Það var Framsóknarmaður að birtast í dyragættinni...

Why? Why?!!

Ohh. Var í Kringlunni og ákvað aldrei þessu vant að leita að e-u sem MIG vantar. Mig "vantar" nýtt veski og gallapils. Hætti mér inn í 17 og fann gallapils. Það voru til tvær gerðir. Önnur kostaði "fjórtánþússsund" og hitt var hideous (ekki mér að skapi). Uurrggh. Ég get ekkert verið að eyða "fjórtánþússsund" í gallapils!

Fór því næst í Topshop sem var nú bara fínt þar sem ég fann þrjá boli á fínu verði. En þar sem mig vantar veski ákvað ég að skoða veskjaúrvalið hjá þeim. Fann eitt veski sem ég gæti kannski einhvern tímann make peace with (það er rosalega erfitt að finna veskið "sitt") en nei, þá kostaði það 9.000 kall. Ái. Þaðan út og inn í Zara. Áleit að sú búð gæti hjálpað mér með vandamálið mitt (að finna veski). Nei. Öll veskin sem ég fann voru yfir 8.000 kall. Og öll gallapilsin í Topshop voru yfir 8.000 kall.

Why? Why?!

P.s. geri mér fullkomlega grein fyrir því að þetta er ekki alvöru vandamál. Just so people know. And FYI þá þoli ég ekki snobb. Ef það er eitthvað sem ég þoli ekki í fari fólks þá er það snobb. Uurrggh.

Myrká

Jæja, nú er ég að klára Myrká eftir Arnald. Verð að segja að ég varð fyrir talsverðum vonbrigðum með þessa bók (á nú reyndar nokkrar blaðsíður eftir, kannski gerist eitthvað mergjað..).

Ástæðan er tvíþætt. Í fyrsta lagi er ég að lesa hana beint á eftir Karitas bókunum sem eru SNILLD, af einhverjum ástæðum held ég samt að karlmenn séu ekki sammála mér þar, enda eiga þeir erfitt með að skilja hvað konur eru með endæmum merkilegar.

Í öðru lagi fannst mér bara ekkert sérstaklega huggulegt að lesa um nauðgara sem notaði rohybnol nauðgunarlyfið til að koma vilja sínum fram við konur. Mér fannst það bara frekar sorglegt og viðbjóðslegt og ógeðslegt.

En, eins og ég segi, eitthvað gæti nú gerst á síðustu blaðsíðunum sem kemur mér til að skipta um skoðun, veit ekki alveg. Svo verð ég nú að segja að þó mér finnist frábært að þarna sé Elínborg í aðalhlutverki þá sakna ég nú Erlends..

Skrifað tveim dögum síðar: Bíddu, bíddu, eitthvað er nú að gerast í bókinni. A sudden twist. Hlutirnir ekki alveg eins einfaldir og þeir litu út fyrir að vera í fyrstu.. Núna á ég aðeins nokkrar blaðsíður eftir..

Skrifað þremur dögum síðar: Jú, jú. Meistaraverk. En það kom nú samt ekki í ljós fyrr en alveg í endann. Arnaldur klikkar ekki. Maður bíður næstu bókar sem hlýtur nú að snúast eitthvað um hann Erlend..

AAaahh yes!

Loksins fattaði ég hvað ég þurfti.

Skundaði (keyrði) í World class í morgun og keypti mér mánaðarkort. Fékk sterkt hugboð um að núna væri kominn tími til að hreyfa sig. Fór í æðislegan eróbikk tíma og svitnaði ógó mikið. Svvvvooooo gott. Akkúrat og algjörlega það sem ég þurfti. Maður bara verður að fá útrás með hreyfingu stundum.. ;)

Feel absolutely ecstatic.

Ugliest jeans I've ever seen

I'm sorry Mischa. It's not you, its the pants!

(jikes..)

Karlar og tölvur

Am extremely concerned for the wellbeing of young men in this day of age.

Hvað er það með karlmenn og tölvur og tölvuleiki? Þeir virðast vera helteknir af þessu! Í vinahópi sonar míns (sem er 7 ára) er um fátt annað rætt en tölvuleiki. Fór á skólalóðina áðan og varð vitni að samræðum sem snerumst um hvernig kallar eru drepnir í tölvuleik og á hvaða borði þeir væru staddir í e-m tölvuleik.

Why? Why?!

Ekki eru eldri karlmennirnir betri. Kallinn minn er rooosalega mikið í tölvunni. Bara að skoða alls konar hluti. Ok, sumt sniðugt en...

mér finnst þetta bara ekkert allt of sniðugt:/

Halló, ég heiti Stefán Máni Svansson...

og ég er dúlla.




















Núna er ég kominn með nokkrar tennur og frekjuskarð! Klæjar mikið í gómnum:/ dáldið erfitt stundum út af því sko..




















Tíhí, hérna er ég búinn að rústa öllu skipulagi á skóm í forstofunni, aahhh




















híhíhí, hérna er ég á ganginum og búinn að taka hreinan þvott niður af þvottagrindinni;) mamma þooolir ekki þegar ég geri þetta! Hún er svo mikill sucker, nær mér aldrei..




















og hérna er ég í baði, ég er algert æði:)