Benedikt Merkúr Benediktsson

Aaaa bbúúuu!!

Innilega til hamingju með prinsinn Begga og Benni:) Við Siggú fórum og heimsóttum þennan litla prins í gær. Hann er voða sætur og auðvitað algert krútt.

Það er svo gaman að sjá hvað þessi litlu kríli eru velkomin í heiminn og hvað þau færa okkur hinum mikla hamingju.

Gangi ykkur allt í haginn elskurnar mínar,

kiss kiss

Ungfrú Reykjavík gone pro ano

Var að horfa á Ungfrú Reykjavík í gær....

Ég veit ekki hvort að aldurinn sé að hellast yfir mig eða hvað en það virkilega sló mig hvað stelpurnar þarna voru fáránlega grannar! Og allar með sama vaxtarlagið - eins og tannstönglar bókstaflega.

Mér stóð heldur ekki alveg á sama með þessa gellu í Merzedes club. Ég hef nú alltaf fílað lúmskt Gillzenegger og kallana en dji... þessi gella er bara stærð 0 eða eitthvað. Hvað er málið??!! Síðan komu þær allar alveg eins og hún nema kannski stærð 1. Allar alveg eins vaxnar, fáránlega mjóar, ekki urða af fitu neins staðar. Meðal dómenda í keppninni var síðan einhver næringafræðingsgella sem ég veit að er við það að detta í sundur úr hor því ég hef séð hana í World Class. Og hún er fengin til að halda utan um mataræðið hjá þessum stelpum.

Halló, ég veit að ég hljóma eins og kelling en það verður bara að hafa það, en keppnin í gær setti einfaldlega fram ákveðinn staðal. Ef þú vilt vera hot babe, go anorexic. Er ekkert verið að hugsa um sálartetrið á þeim ungu stúlkum sem eru að horfa á þessa vitleysu?

Jesus, I seriously thought we were pass this.

Um svartsýni

Eitthvað fer fyrirsögnin í Fréttablaðinu í dag fyrir brjóstið á mér.

Það er farið að fara verulega í taugarnar mér þegar fólk er svartsýnt. Fyrirsögnin er þessi:

Fleiri telja horfur slæmar. Þetta er sem sagt aðalfréttin í blaðinu í dag og fjallar um nýlega skoðanakönnun sem Fréttablaðið stóð fyrir. Niðurstöður könnunarinnar sýna að meiri en helmingi fleiri telja núna að efnahagur fjölskyldunnar versni á næstu tólf mánuðum en í janúar. Um fjörutíu prósent segja efnahaginn muni versna, tæpur helmingur telur að hann muni standa í stað en ellefu prósent telja að hann batni.

Sko.

Ef þú býst við að eitthvað gerist mun það líklega gerast. Ef að þú býst við að efnahagur fjölskyldunnar versni eru hverfandi líkur á að hann batni. Þetta er afar einföld lógík. Af hverju býst fólk ekki frekar við því að efnahagur fjölskyldunnar batni? Þá eru minni líkur á því að hann versni.

Af hverju er fólk svona svartsýnt? Af hverju tekur fólk fjölmiðlana svona bókstaflega og býst við kreppu og verðbólgu bara af því að fjölmiðlarnir segja að það sé það sem koma skal? Af hverju öll þessi svartsýni?

Jæja, þessi Svava fer allaveganna með bjartsýni og sól í hjarta út í daginn og býst við öllu hinu besta:)

Adios amigos!

Work done

Jæja, síðasti dagurinn í vinnunni búinn:)

Og kominn tími til. Það er auðvitað fínt að vinna en þegar maður er orðinn draghaltur... not so much. Sérstaklega þegar maður er í vinnu þar sem er mikið um hreyfingu. Það var dáldið skrýtið að kveðja alla, það eru nú all margir karakterarnir sem maður er búin að kynnast þarna í Fossvogsskóla:)

Allaveganna, smá fréttir. Fékk sms frá Beggu vinkonu áðan og hún er uppi á fæðingardeild! Eitthvað aðeins fyrir settan tíma en.. þvílíkt spennandi:) Ég vona að allt gangi vel hjá henni. Vildi eiginlega að ég væri líka komin upp á fæðingardeild. Time to pop this baby out finnst mér. Hann er nú orðinn ansi plássfrekur finnst mér..

Þangað til næst..

Lifið heil:)

My inner Rock Goddess..

Var minnt á það í gær að mín innri rokkgyðja liggur í dvala einhvers staðar djúpt innra með mér. Tilefnið var að hljómsveitin Sign var að spila í Kastljósi í gær. Ég fíla þá í drasl.

Ég komst öll í stuð og mín innri rokkgyðja bylti sér um í svefnrofunum einhvers staðar í hugarfylgsnum mér. Djöfull eru þeir flottir. Ragnar Sólberg er náttúrulega bara lifandi goðsögn og það sást svo glögglega í gær hvað bandið hefur þroskast og dafnað í vetur. Þeir hafa það, það er ekki spurning.

Svo sagði kynnirinn að Sign væru að fara spila á einhverjum tónleikum með engum öðrum en Brain Police. Gggrrr... En nei, nei. Suss, suss. Kasóléttar konur með grindargliðnun og stoðkerfisvandamál fara ekki á rokktónleika. Það bara er eins og ís og mjólkurglas. Fer bara ekki saman..

Já, nei nei.

Það á ENNÞÁ eftir að segja nokkrum plebbum í umferðinni að maður eigi að SLÖKKVA á vélinni þegar maður skreppur inn í búð eða bíður inni í bíl á bílastæðum eftir einhverjum. Annars er maður að menga.

Plebbar!!

Only four weeks to go..

Já, settur dagur er eftir fjórar vikur. Ég bíð með óþreyju.

Komin með þó nokkra meðgönguþoku að mér sjálfri finnst enda er maður kominn á það stig að þurfa snúningslak á nóttunni og að þurfa vera með púða allt í kringum sig þegar maður liggur í læstri hliðarlegu og reynir að sofa.

Núna er ég komin með eitthvað vesen í vinstri mjöðmina og er farin að haltra þvílíkt. Það sem áður tók engan tíma er farið að taka þó nokkurn tíma.. Ekkert sérstaklega gott. Ég held að ég verði að hætta að vinna bráðlega eða allaveganna minnka það niður í 50%. Ég er í engu ástandi til að labba upp og niður stiga og eltast við börn á daginn..

Allaveganna, þetta var víst enn ein innhverf færslan. Úps.. Ætla að reyna að vera úthverfari og spá í öðru heldur en sjálfri mér við næsta blogg..

Get reyndar sagt eitt úthverft: Ég er alveg sammála Gwyneth Paltrow um að það voru paparazziarnir sem drápu sálarlíf Britney Spears og að þeir eigi alla sök á því af hverju hún er eins og hún er í dag. Mér hefur alltaf fundist þetta og finnst líka vel orðað hjá Paltrow þegar hún segir að þeir séu alblóðugir upp á bak varðandi ástandið á stelpunni..

Later.

Phaha!!

OMG.

Þetta er stjörnuspáin mín samkvæmt http://www.mbl.is/ í dag:

Þú veist nákvæmlega hvernig þú vilt hafa hlutina og allan heiminn. En heimurinn veit ekkert um það, svo þú verður að redda þessu. Taktu eitt fyrir í einu.

Gargandi snilld. Mér hefur einmitt alltaf fundist að ég ætti að stjórna þessu öllu saman:-)

A breath of fresh air

Vorboðinn ljúfi, mikið var!

Við erum að panta flug og gistingu í Englandi í sumar:) Mér finnst það þvílík stemmning. Okkur er boðið í brúðkaup í ágúst og það er bæði í Devon í suður Englandi og London. Frændi minn góður er að fara gifta sig. Ætli hann sé ekki um 28 ára gamall. Hann er hálf íslenskur (pabbi hans er bróðir mömmu) og hálf írskur. Hans heittelskaða er að mér skilst hálf sænsk og hálf írsk. Allt mjög cosmopolitan sko;) Þessi frændi minn sem heitir Steppe (Stefán = Stebbi = Steppe) bjó í Luxembourg þegar hann var lítill og svo út um allt held ég en nú búa þeir bræður báðir í Englandi.

Mér finnst ýkt skrýtið að panta flug og hótelherbergi fyrir fjóra þ.e.a.s. mína eigin fjölskyldu. Um daginn vorum við bara tvö!

Anyways, voða stemmning að plana utanlandsferð:)

Later,

P.s. held ég nenni ekki að gera úthverfa færslu. Af hverju að neita kyni sínu..?

I love Caruso

Ég elska að fara út að borða á Caruso. Sérstaklega ef við fáum borð við gluggann niðri sem snýr út á Laugaveg. Og pizzurnar þarna eru hreinasta snilld. Ég held að þetta séu ef til vill bestu pizzur sem ég hef smakkað!

Við stelpurnar fórum sem sagt í gær á Caruso. Það var svo gott að hitta vinkonurnar eftir frekar erfiða vinnuviku og slaka aðeins á. Og ég er svo fegin að það er helgi!!! Aa woo hoo!!

Gott veður og allt:)

Later..