28/2 2015

Frekar góður dagur.

Var að vinna um morguninn en fór svo í skírn hjá Siggú og Hjörvari. Skírnin var haldin í Gullsmára 7 þar sem amma mín heitin átti heima. Hún er tiltölulega ný farin svo það var dáldið ljúfsárt og undarlegt að labba þarna inn. Hún birtist mér/ég sá hana fyrir mér labbandi út eins og hún gerði í þau fjölmörgu skipti sem ég sótti hana þangað....

Allavegana, gaman að hitta Sólrúnu og Tinnu Sól hennar (4ra ára held ég að hún sé, næstum viss) og nýja barnið fékk nafnið Hrafnkatla Hjörvarsdóttir. Það er mikið að gera á stóru heimili og nú hafa Siggú og Hjörvar þrjú börn undir fimm ára aldri.

Allavegana, líður aðeins betur í skrokknum en er samt ekki alveg 100% ennþá. Verð að fara varlega...