Ó þvílík gleði..

.. það er að labba inn á bókasafnið og ramba á einmitt réttu bókina fyrir þig.

Jojo Moyes og þessi bók er einmitt það sem ég þarf til að koma mér í gegnum næstu tvær vikur. Elska létta breska húmorinn, fléttuna og hvernig höfundinum tekst að láta mig hlæja og hversu miklar feel good bækur þetta eru alltaf hjá henni. Elska líka að lesa gellubók með glimmernöglunum mínum:)

Einmitt það sem ég þurfti. Hef verið að hlusta á Kjöt eftir Braga Pál á Storytel og jú hún er góð og fyndið en er orðin bara frekar grotesk og erfið núna. Smá erfitt að halda áfram með hana, manni svona hálfkvíðir fyrir að halda áfram að hlusta.

Vikan er annars búin að vera það annasöm að hún hefur eiginlega flogið í burtu. Það er svona að vera í tveimur vinnum.. Fékk tvo nýja nuddkúnna og hef nóg á minni könnu. 

Hápunktur vikunnar var þegar ég hitti Tinnu í gærkvöldi. Við fórum á Yndisauka og fengum okkur te. Yndislegt auðvitað. Pössuðum auðvitað vel upp á að te ið væri koffínlaust.

Lágpunktur vikunnar er kannski núna þegar mér er illt í kálfunum. Það er svo vont að vera með harðsperrur í kálfunum. Þarf að sinna þessu í dag. Er eitthvað að finna svo mikið fyrir því að ég er ekki 27 ára. Já, eða 37 ára...

Namaste.