12/6 2015

Þessi dagur var Botnleðjudagur.

Ég held áfram að fara í gegnum gömlu geisladiskana mína (sem bráðum verða forngripir) og var búin að hafa nokkra diska tilbúna ofan á skóhillunni fyrir mig til að fara með út í bíl. Botnleðju diskurinn Drullumall var búinn að vera fremstur heillengi. Ég bara einhvern veginn virtist ekki meika hann, svo mikil læti, og valdi diskana fyrir aftan hann.

Nema hvað, svo á föstudaginn tók ég diskinn út í bíl og herregúd. Ji, ég var búin að gleyma hvað þeir eru/voru þéttir. Úff, þennan dag hækkaði gamla í fóninum og trallaði með. Hvert lagið á eftir öðru alger gersemi og lag frá 1 upp í 4 klassík.

Nostalgía. Alger.