26/12 2015

Jæja, það er allavegana hægt að líta á þetta sem verðugt verkefni - að hjúkra sjálfum sér til heilsu aftur.

Er búin að fá mér minnst 5 skammta af járni í dag í mismunandi formi. Í glæravökva forminu, blóðmör forminu, rauðrófu, járnfroðutafla og járntafla.

Koma svo járn!!

25/12 2015

Kláraði þessa bók:

Synd að geta ekki gert hjörtu á þetta lyklaborð því ég myndi setja endalaus hjörtu hérna. Elska þessa bók.

Leist ekkert á hana fyrst þar sem hún er í sendibréfaformi og maður var ekki alveg að átta sig á hver var hvað. Þessi bók gerist eftir hernámið í Guernsey sem er eyja og þó að þessi bók sé þýdd yfir á íslensku skynjar maður breskuna í gegnum þýðinguna.

Í kringum svona miðja bókina kolféll ég og grenjaði og grenjaði yfir henni. Það þýðir í mínum bókum að bók er góð. Ég glotti líka mikið og brosti út í annað. Ég tímdi ekki að klára hana svo ég treinaði mér hana síðustu dagana.

Og auðvitað var þetta happy ending. Ég er alger sucker fyrir ástarsögum. Ætli það sé ekki vegna þess að í alvöru lífinu er sagan ekki ástarsaga heldur bara þrotlaust strit með börn og buru. Það er kannski full svartsýn sýn en......

24/12 2015

Aumingja ég.

En sem betur fer leið mér betur. Fékk mér járn og meira járn. Ferðin í kirkjugarðana hjálpaði. Gott að fá frískt loft eins og alltaf. 

Náði að vera nokkuð eðlileg hjá foreldrum mínum á aðfangadag. Þetta er allt að koma. Koma svo járn!

Gleðilega hátíð:)

23/12 2015

Úff. Ekki góður dagur.

Sá til þess að öryggisvörðurinn við hliðið í Lyfju Lágmúla hefði eitthvað að gera og féll í yfirlið og hrundi í gólfið. Það var ekki góð skemmtun.

Hafði mannað mig upp í að láta mæla hemóglúbínið í þess til gerðu herbergi þarna en ég bara er með nálafóbíu dauðans eins og sést. Og þetta var bara smá stunga í puttann.

Kom í ljós að ég er ekki einu sinni búin að ná mér í neðsta mark skalans sem maður á að vera í. Úff.

Ég var rosa slöpp eftir þetta yfirlið. En ekki eins slöpp og síðast. Þetta er allt á uppleið. Verð bara að gúffa í mig járni og fá mér svo meira járn.

Guð blessi mig. #aumingjaég

22/12 2015

Þennan dag náði jólastressið tökum á mér.

Ætlaði að passa mig á því og keyra varlega framhjá öllu svoleiðis en Bónusferð dauðans í Holtagarðana gerði út um það.

Upplifði mig sem eins og í stríðsástandi og komst hvorki lönd né strönd. Keypti frosinn saltfisk í tómu rugli og veit ekkert hvað ég á að gera við hann núna. Kom hálftíma of seint til kíró en komst að og fékk hnykkið mitt sem var gott:)

21/12 2015

Nei sko.

Fatta það ekki fyrr en núna að þessi dagsetning speglast: 2112. Elska svoleiðis:)

20/12 2015

Ljúfur dagur heima.

Einmitt það sem ég þurfti.

19/12 2015

Dáldið ótrúlega ánægjulegt gerðist. Og ótrúlegt.

Maðurinn minn sýndi því í alvörunni skilning að ég þurfti frí frá börnunum og fór út með þau. Hann í alvörunni skyldi neyð mína og nauðsyn þess að losna við þau í smá stund.

Þetta getur verið svo mikið brjálæði að vera alltaf með þau ofan í sér.

Það er svo augljóst að maður verður betri mamma af því að fá mömmufrí stöku sinnum. Ó, elsku Bali. Bráðum hittumst við:) #ogþáverðaskoaldeilisenginnbörnóneióneiónei #mammaþarffrí

18/12 2015

Leið um það bil tonni betur eftir að hafa fengið svefninn minn.

Góður dagur í vinnunni og með Eddu sinni á kaffihúsi.

Jóla hvað?

17/12 2015

Hræðilegur dagur.

Vibba þreytt og þá meina ég ógeðslega þreytt.

Svaf mega illa og rétt skreið í gegnum daginn. Mamma lenti í aftanákeyrslu af stærri gerðinni. Komst ekki í yoga.

Sumir dagar.....

16/12 2015

Góður vinnudagur.

Leynivinajólagjafaleikur í vinnunni og fundur og bla. Vinni vinni vinni vinn.

15/12 2015

Vandró móment....

.... þegar barn sem maður þekkir spyr fyrir framan mömmuna og vinkonurnar: "Þekkiru mig?! Hvað heiti ég?!"

Þessi elskulega stúlka er dóttir vinkonu minnar sem ég hef ekki séð lengi. Ég fraus smá og mundi það ekki en... svo mundi ég það og sagði rétt nafn. Phew!

Ef ég hefði ekki munað það þá hefði þetta verið sögulega vandræðalegt.

Þessi elsku börn! :)

14/12 2015

Vinni vinni vinni vinni vinn.

Og kaffihús með góðri vinkonu til að fullkomna daginn.

13/12 2015

Mmmmm,

fór í æðislegan yogatíma um morguninn. Æðislegur kennari, Anna, var með tímann og byrjaði tímann á hugleiðingu sem talaði alveg við sálina mína.

Klárlega tími sem pússaði móðuna af ljósinu í sálinni og leyfði því að skína skærar.

Sumir tímar eru betri en aðrir. Takk Anna. You just made my week.

Ljósið í mér sér ljósið í þér.

Namaste.

12/12 2015

Yndislegur dagur!

What a glorious day:)

Fór á skíði með Óla mínum. Þvílík sæla.

Er svo heppin með þennan dreng. Hann sýnir engin merki um að ætla að verða sama martröðin og ég var á hans aldri. 7,9,13!

11/12 2015

Oh. Þessi dagur var vibbi.

Var alla vikuna á leiðinni að fara byrja á túr.

Það er ekkert eðlilegt hvað það dregur mikið af mér þegar þessi ósköp dynja yfir. Var bara ekki viss allan daginn um hvort myndi actually líða yfir mig eða ekki og botnaði ekkert í því hvað ég var að gera í vinnunni. Var alveg rosalega slöpp og rétt komst í gegnum daginn. Samt ekki.

Þurfti að fara heim og hvíla mig fullt bara til að manna mig upp í að klára daginn. Þurfti að fara til kíró og þurfti að fara í búðina og vinna og bla bla bla.

Af hverju þetta er lagt á mann geri ég mér enga grein fyrir. Enga.

10/12 2015

Það var svo gaman hjá mér í ræktinni í vikunni:)

Í eróbikk tímunum var sú sem vanalega kennir í fríi svo að Máni snillingur var í staðinn með tímana. Æði, æði, æði.

Fór á þriðjudaginn og það var eiginlega of erfitt. Svona eins og að leysa Sudoko fyrir framan fullt af fólki. Við áttum fullt í fangi með að fylgja honum eftir og ég ruglaðist alveg nokkrum sinnum... Svo á fimmtudeginum var ég afslappaðri því hann var með sömu sporin svo maður varð öruggari og ég náði að syngja með. Hann er með svo skemmtilega tónlist líka.

Þetta er svo frábær skemmtun og útrás.

Oh Máni. Þú ert æði! :)

9/12 2015

Vinni vinni vinni vinni vinnn...

8/12 2015

Þetta er afmælisdagur Jóns Brynjars bróðirs.

Það er svo gott að foreldrar mínir fengu þennan gulldreng vegna þess að hann er svo æðislegur og frábær. Hann bætir okkur Tryggva bró upp. Við vorum/erum svo miklir rebellar og anarkistar eitthvað að þau átti skilið að fá einn gullkálf í þriðja kasti til að bæta hin tvö köstin upp. Aðallega mig samt. Mig grunar að Jón Brynjar sé líklegst sá eini sem gæti mögulega kosið það sama og þau.

Það hefði nú líka verið yndis að fá systur reyndar EN... maður fær víst ekki allt sem maður vill í þessu lífi....

Það hefði nú líka verið frábært ef ég hefði ekki verið eins mikill bjálfi og ég var á unglingsárunum. Ég verð restina af ævinni að bæta upp fyrir það. Það að vera svarti sauðurinn er erfitt hlutverk. En einhver verður að taka það að sér. Vona að ég geri það með stæl. So far so good.

7/12 2015

Já, það er alltaf gaman að skrifa vikuna aftur á bak frá laugardegi og muna bara ekkert hvað gerðist á þessum blessaða degi.

Jú, mætti í vinnuna og fékk nokkur afmælisknús. Það er alltaf svo yndislegt að fá knús:)

6/12 2015

Afmælisdagurinn minn:) Til hamingju ég!

Fór í 90 mínútna hot yoga tíma og dó næstum því. Ég var alveg búin gleyma hvað þetta er erfitt:/


Allavegana, facebook gerði daginn ógleymanlegan. Það er svo gaman að eiga afmæli þarna:)

5/12 2015

"Halló, ég heiti Svava og er öryggis- og vanafíkill."

"Hæ Svava!"

Gat ekki einu sinni verið seint í heimsókn (og dekri) í gærkvöldi upp í Breiðholti. Fór bara öll að ókyrrast þegar klukkan nálgaðist miðnætti því samkvæmt venjunni er ég sofnuð þá eða allavegana komin upp í rúm. Svo átti ég fyrst að koma kl. 18 (þriggja klukkutíma hártreatment process) og þá leist mér ekkert á blikuna. Ég meina, hvað með kvöldmatinn?! Ég borða hann ALLTAF á milli 18:00 og 20:00..

Ji, hvað það er erfitt að vera svona vanafastur. Neri hendunum um símann minn þegar klukkan varð meira og meira eins og hann væri einhver öryggisventill og vinkonan pollróleg enda fannst henni ekkert tiltökumál að vera á fótum eftir miðnætti á laugardagskvöldi... Hún er nú reyndar fædd '87.

EN. Það var svo gaman! Við spjölluðum og töluðum um allt og ekkert. Þessi vinkona mín er pólsk og við unnum saman en hún er hætt núna. Ég skemmti mér svo vel:) Mömmu hennar fannst fyndið að sjá mig á hnjánum við sturtubotninn enda er "yfirmaður" hennar í vinnunni...

Fyrr um daginn var jólakaffið í vinnunni minni og ég fékk þessa veglegu matargjafakörfu í tilefni af 5 ára starfsafmælinu mínu:) Hamborgarahryggur, reyktur lax og ég veit ekki hvað og hvað í körfunni. Ostar og kex. Takk fyrir mig Hreint:)

4/12 2015

Ég er nú farin að hafa þónokkrar áhyggjur af þvílíkt voldugum grýlukertum sem hanga meðfram öllu þakskegginu á blokkinni heima. Svo er líka snjóhengja sem lafir fram af þakinu hjá hinum stigaganginum.

Vona af öllu hjarta og þetta detti allt saman af um miðja nótt þegar enginn er á ferli.

3/12 2015

Er alveg heilluð af #Nakinníkassa.

Það sem ég get horft á hann gera ekki neitt. Ég hef alveg misst af því þegar hann pissar,kúkar eða rúnkar sér.

Finnst þetta rosa áhugavert...

2/12 2015

Vinni vinni vinni vinni vinn.

1/12 2015

Núnú,

setti Nirvana aftur á fóninn í bílnum í gær og fór bara að grúva feitt með og fílaði þetta allt í einu aftur.

Það er nú gott að vita til þess að maður er ekki alveg dauður í æðunum. Gott.

Rock on

30/11 2015

"Can you pour me a cup of tea butler? Surely ma'ma would also want one.."

Horfði á Downton Abbey í Oz appinu og er alveg með á heilanum hvernig ein af löfðunum eða hvað þær nú eru þarna á setrinu talar. Hún segir alltaf papa og mama og er alveg ofboðslega snobbuð í tali. Hún er nú reyndar besta skinn en það er komið undir skinnið á mér hreimurinn hennar og talsmátinn.

Ég er í ofanálag að lesa breska bók þar sem breskan fær að njóta sín og breskur húmor skín í gegnum línurnar..

Bloody marvelous I must say.

29/11 2015

Omg.

10 stiga gaddur og fjölskyldan fór niður í bæ til að horfa á ljósin kveikt á Oslóartréinu í fyrsta skiptið. Það var allt gott og vel fyrir utan nístandi kulda og að Stefán Máni datt í tjörnina fyrir utan ráðhúsið. Vatnið þar er víst heitara en út á stóru tjörninni.

Svanur skundaði með drenginn heim og ég skundaði með stelpurnar að blessuðum tréræflinum.

Shit hvað það var kalt!

28/11 2015

já.. rosa frost og búið að kyngja niður sögulega miklu magni af snjó þegar frúin steig út á plan. 7 stiga frost.

Að sögn Svans var víst kostulegt að fylgjast með mér reynandi að koma bílnum úr plani. Hafði gleymt vettlingum og var svo kalt á puttunum að ég bara gat varla staðið í þessu, þurfti líka að vaða skaflana... En í zumba ætlaði ég og í zumba fór ég.

Merkilegt hvað einbeittur vilji fleytir manni langt.

27/11 2015

Núna er frúin komin í jólagírinn og snattast út um allan bæ kaupandi jólagjafir.

Á þessum kyngimagnaða föstudegi (var ekki fullt tungl?) réðst ég í jólakortagerðina og er bara næstum búin. Ég er eitthvað öll voða hress eftir að járnið er farið að kikka inn..

26/11 2015

Stirð og stíf og þver.

Ég tel góðan kost að gera sér grein fyrir eigin ókostum.

Ég skildi því vinnufélaga minn fullkomlega þegar hann sagði "You're .... " og svona rétt varla yppti öxlunum og gretti sig ekki einu sinni en ég vissi nákvæmlega hvað hann var að tala um. Við töluðum mikið um lífið og tilveruna og ég einhvern veginn vissi alveg hvað hann var að meina enda vorum við farin að þekkjast ansi vel þarna.

Á seinni árum, eftir að ég hætti að drekka, er ég dáldið leiðinleg. Ég á mína góðu daga þar sem ég er fyndin og skemmtileg en ég er óttalegur (get it;)) öryggisfíkill og vanasjúklingur.

Ég reyni ósjálfrátt að gera rútínu úr öllu og ef eitthvað er ekki alveg ákveðið heldur bara einhvern veginn þá líður mér ekkert sérstaklega vel með það. Ég vil vita hvað er að fara gerast. Allir mínir dagar eru rútínulagaðir. Ég geri þetta kl. þetta og þetta kl. þetta og ef því fer eitthvað að seinka þá ruglast allt prógramið og það er ekki gott. Á þriðjudögum fer ég í freestyle step til Önnu Siggu í World Class. Á laugardögum fer ég í zumba. Á sunnudögum fer ég í Ashtanga yoga 1-2 í Yogashala. Þannig er það bara. Og ég er ekkert sveigjanleg með að missa af þessum tímum. Ég hef meira að segja látið færa til fundi í vinnunni vegna þessa.

Ætli ég sé ekki með stjórnunaráráttu á hæsta.

Allavegana, sakna þessa vinar míns smá. Við erum ekki lengur að vinna saman. Við áttum nokkrar góðar samræður.

25/11 2015

Jæja.

Nú var kátt í kotinu.

Fékk mömmu til að fá Guðrúnu Höllu í smá heimsókn svo ég átti sjónvarpið alveg fyrir mig. Svo gott að fá aðeins frið.

Allavegana. Perrinn ég leigði í snatri Magic Mike XXL eða hvað hún heitir og horfði á hana. Var búin að bíða eftir að fá að vera ein heima til þess að geta horft á þessa mynd í friði en af því að það var ekki að fara gerast þá bað ég mömmu um þetta.

Myndin var nú samt bara svona la la. Ekkert rosa djúsí söguþráður. Dáldið svona þunn mynd. Svo er ég ekki eins ofboðslega skotin í Channing Tatum eins og ég hélt sem er rosalega skrýtið af því að ég var svo hrifin af honum.

Fékk ekki alveg eins mikið út úr þessu og þegar ég leigði 50 shades of Grey.

Það var rosalegt.

24/11 2015

Merkilegt.

Eftir að ég byrjaði að nota kaldpressaða kókosolíu til að taka make up-ið af mér á kvöldin líður mér ekki bara betur í húðinni - þetta er náttúrulega 100% lífrænt - heldur svíður mig núna undan venjulega make up removerinum, þeim sem maður kaupir í Bónus.

Mér finnst þetta alveg þvílík uppgötvun því ég hef alltaf bara keypt svona Nivea make up remover og notað hann. Þegar maður kíkir á innihaldslýsinguna eru náttúrulega bara fullt af alls konar efnum sem mig nú svíður undan! Kemísk efni. Hvað var ég að spá? Af hverju fattaði ég þetta ekki fyrr??

Mig sveið ekki undan þessu fyrr en eftir að ég byrjaði að nota lífrænu kókosolíuna.

Mikið ofboðslega ætla ég að halda áfram á þessari línu. Núna ætla ég að hætta að lita á mér hárið...
ég hef nú sagt það áður en núna ætla ég.

Jú víst!

23/11 2015

Prinsessan á bauninni. Það er ég.

Veit ekki alveg af hverju ég er svona viðkvæm fyrir öllu. Ég er til dæmis alveg ofboðslega viðkvæm fyrir sterkum ljósum. Í morgun kom forstjórinn inn og kveikti á sterku ljósunum. Þá fer ég að verða óróleg, líður ekki svo vel og finn fyrir streitu. Vildi að ég væri ekki svona. Þetta hefur reyndar skánað....

Svo var fundur í vinnunni í fundarherberginu og ljósin voru kveikt allan tímann. Þá fer ég að finna fyrir hausverk og líður bara ekki nógu vel. Vanalega stend ég upp og fæ að slökkva ljósin en af virðingu við nýja yfirmanninn minn sem ég veit að vill hafa ljósin kveikt gerði ég það ekki. Horfði bara frekar niður á borðið og alls ekki upp. Oh, vildi að ég væri ekki svona...

Þetta var líka svona í afmælinu um helgina. Þá voru sterk nakin ljós og það hafði áhrif á mig. ... Ég á eina vinkonu sem ég fer stundum til og ég finn fyrir þessu heima hjá henni. Þar eru sterk ljós og þá þarf ég að passa mig hvar ég sit.....

Svo eru það auðvitað hljóðin í blessuðu kælipressunni sem heyrast extra hátt þessa dagana. Það heyrir þetta varla nokkur annar og þetta fer ekki í taugarnar á nokkrum öðrum manni. Eftir vinnu í dag fór ég að lesa upp í rúmi með eyrnatappana kirfilega staðsetta lengst inn í eyrum. Heyrði í pressunni allan tímann en ákvað að þrauka þetta.

Af hverju er ég svona mikil prinsessa?

Það var huggun harmi gegn að heyra Steinda lýsa sínu OCD-i í þætti sem var á stöð 2 núna áðan og hér eitthvað.. Fellum grímuna. Mér fannst frábært að heyra lýsingarnar hans af því hvernig hann þarf að taka í hurðarhúninn nokkrum sinnum og hvernig hann er í sambandi við eldavélina sína... Með nýja spanhelluborðinu er þetta reyndar ekkert vesen lengur en hurðarhúnninn er sama vandamálið..

Gott að vita að maður er allavegana ekki einn. Góður þáttur. Mjög góður þáttur.

22/11 2015

stundum er það þannig að viðburðir raðast svona á dagana, dag eftir dag.

Núna var það laufabrauðsgerð hjá frænkunum. Þetta er stundum svona hálfundarlegt af því að maður þekkir sumar af þessum skáfrænkum ekki mikið og hittir þær bara einu sinni á ári af þessu tilefni. En þetta er alltaf á sama tíma að ári svo að það er allt í lagi.

Núna var þetta hjá einni skáfrænkunni í Lindasmára og í flottri íbúð sem ég gæti nú alveg hugsað mér að eiga í heima í.. Er orðin rosalega þreytt á þessu blokkarlífi. Núna get ég ekki lesið inn í svefnherbergi út af helvítis kælipressunni niðrí kjallara beint undir svefnherberginu. Ætli það séu ekki svona mikil læti í helvítinu núna af því að ég slekk á henni á nóttunni.

Helvítis fokking fokk. Mig langar í einbýlishús. Myndi samt kannski sætta mig við raðhús.

21/11 2015

Þrítugsafmæli hjá Heiðu frænku.

Það er bara stórafmæli dag eftir dag..

Það var auðvitað fínt í flottri veislu í sal slökkviliðsins út á Tunguhálsi og gaman að rabba við gott fólk.

Fór í zumba um morguninn. Það var æði:)

20/11 2015

Áttræðisafmæli hjá Binnu frænku í Sóltúni.

Ágætis veisla og gaman að hitta alla.

Eins og Dóra (hóra) landkönnuður segir, eða réttara sagt kortið í þáttunum: "ég er kort, ég er kort, ég er kort, ég er kort. Ég er kort!"

Kom nefnilega í veisluna með rauðar rósir og kort í búntinum. Fann svo ekki kortið fyrr en við vorum að fara. Þá hafði það verið eftir í bílnum.... Náði nú að skila því á réttan stað við mikinn fögnuð viðstaddra... snillingur...

19/11 2015

Vinni vinni vinni vinn.

Yoga í hádeginu hjá Ingibjörgu í Yogashala. Æðislegur tími og kíró.

Góður dagur.

18/11 2015

Jæja,

næsti diskur "made me feel old." Það var Nirvana diskurinn Incesticide. 

Gamla er nú eitthvað að eldast og vill ekki hafa svona læti. Sá líka heimildamyndina um Kurt Cobein í sumar og allt þetta heroín heillaði mig alls ekki. Þvílíkt rugl sem þetta fólk hefur verið í..

Hef nú alltaf fílað Nirvana og bara allt frá þeim en mér er eitthvað að förlast.

Sé nú fyrir mér sketch úr Friends þar sem Rachel segir við Monicu: "you are becoming more and more like your mother." Boom.

17/11 2015

Jæja.

Næsti diskur í röðinni var diskur með Smashing Pumpkins. Þá var nú gaman hjá kellu í bílnum. Það voru sérstaklega tvö lög sem mér finnst mjög góð og setti á fb í tilefni af því. Pössuðu einhvernveginn alveg við skapið sem ég var í og bara Mmmmm.. góð lög.

Var svo reyndar með diskinn í bílnum alveg í rúma viku og var búin að skrifa hjá mér hvaða lög mig langaði til að setja á ipodinn en... svo ákvað ég að gera það ekki. Jú, gaman að rifja Smashing Pumpkins fílinginn upp en ekki alveg ipod worthy.

Það voru sérstaklega lögin Bullet with butterfly wings og Today sem mér fannst best á þessum tiltekna diski sem hefur verið skrifaður fyrir mig.

Ég á reyndar fullt af svona diskum sem einhverjir hafa "skrifað" fyrir mig. Þetta var gert í gamla daga kids.. Man ekki hver hefur skrifað þennan tiltekna disk. Best að vera ekkert að rifja það upp, er þetta ekki kolólöglegt að skrifa svona diska?

16/11 2015

Snilld! Snilld! Snilld!

Er búin að leysa málið með hvernig ég eyði mínum eftirmiðdögum eftir vinnu þegar ég bugast yfir að rífast við Guðrúnu Höllu um hvor okkar fær að horfa á sjónvarpið. Hún er svo ansi sannfærandi í sínum rökum og beinskeytt að ég er búin að enda síðastliðna eftirmiðdaga, sigruð, inn í herbergi með ipadinn að horfa á Sarpinn sem er jú fínn til síns brúks en ... stundum þarf maður bara eitthvað meira en RÚV. Það er bara þannig.

Fattaði eftir að vinkona mín benti mér á það að ég hlyti að geta horfa á stöð 2 sem við erum áskrifendur að í ipadinum. Heyrðu, kemur í ljós að það er hægt með OZ appinu! Er sem sagt komin með það og get nú horft á sjónvarpið í míns eigin friði í ipadinum "mínum."

Það var svo gaman þegar ég fattaði þetta að ég fór andartak aftur í barndóm vegna einskærs spennings. Ji, hvað það var gaman að fatta þetta. Ég var að horfa á Réttur í Guðs friði núna áðan en ég var trufluð af börnunum svona sirka 10 sinnum á sunnudagskvöldið þegar þátturinn var sýndur í sjónvarpinu.

Tók eftir að Magic Mike XXL eða hvað sem hún heitir er komin á leiguna. Ætli ég geti horft á hana í ipadinum?! OMG!

Gaman, lifandi, ung (jú víst.)

15/11 2015

Ég átti svo gott foreldraviðtal við hana nöfnu mína sem er deildarstjórinn á deildinni hennar Guðrúnar Höllu í Björtuhlíð efri; á Furuhlíð.

Hún hrósaði barninu í hástert og lét mig vita að ég væri með afar frábæran einstakling í höndunum og meinti þá dóttur mína. Hún er víst með afbragði listhneigð, Svava sagðist aldrei áður hafa séð þetta gamalt barn gera svona fínt í höndunum eins og þegar GH leirar.

Mikið var ég stolt sem móðir að heyra af öllu þessu góða. Við vorum alveg sammála hversu einstök og sérstök hún Guðrún Halla er.

Það kom líka til tals að af sirka 10 stelpum á deildinni þá væru 5 þeirra hættar með bleiu. GH er ekki ein þeirra og ég fylltist metnaði að venja hana af bleiu. Hún er því farin að vera bleiulaus hérna heima svona af og til. Það kom í bakið á mér áðan þegar hún gerði upp á sitt bak. Það var ekkert sérstaklega skemmtilegt.

Svava endaði viðtalið með því að segja að þessi stelpa (GH) ætti eftir að verða eitthvað þegar hún yrði stór og að hana hlakkaði til að fylgjast með henni þegar hún vex úr grasi.

Mikið sem hún er flott þessi elska

þarna er hún reyndar bara rúmlega eins árs en þetta er svo flott mynd af henni finnst mér að hún fær að vera hér sem mynd af henni við þetta tilefni.

14/11 2015

þetta var erfiður dagur, Stefánslega séð.

Almættið gaf fallegan og bjartan dag. Dásamleg birta. Tilvalinn dagur til að taka jólakortamyndina.  Var meira að segja búin að tala fyrirfram við pabba hans Óla um að fá hann lánaðan að þessu tilefni. Við förum niðrað Skarfaklett, held ég að það heiti, þar sem ferjan fer yfir til Viðey.

Allir krakkarnir hressir og til í þetta, ekki að spyrja að Óla og Emilíu, alltaf til, en hann Stefán Máni........ hann vildi bara ekkert fara út úr húsi og sérstaklega ekki í einhverja myndatöku. Oh, hann getur verið svo erfiður. Bara virkilega erfitt barn á tímum.

Hann fleygði sér í jörðina og fékkst ekki til að gera eitt eða neitt og var bara með stæla.

Þar sem ég er kjarnakona sem fæ yfirleitt það sem ég vil þá náði ég þessu;

þarna eru þau öll fín nema Stefán er eitthvað asnalegur. 

P.s. hvernig foreldrar mínir lifðu mig af sem ungling skil ég engan veginn. Fyrirgefið, mamma og pabbi. Ég var margfalt fífl. Það er ekki fyrr en núna þegar börnin manns láta svona sem ég skil til fulls hversu erfitt það er að vera með erfitt barn.

13/11 2015

Princess diary, volume I:

Fór í dekur í dag. Fannst ég þurfa að gera eitthvað fyrir sjálfan mig, var með ljótuna. Allavegana, fer í augnmeðferð á ónefnda snyrtistofu hér í bæ. Borga alveg 9.900 kr fyrir þetta 40 mín. dekur. Þetta var rosa gott og þægilegt. Gott að slaka á eftir strembinn dag í vinnunni.

Allavegana, svo er þetta alveg að vera búið. Ég ligg þarna og hún er að strjúka dæmið af þegar ... RING RING RING. Gsm sími hringir á hæstu stillingu beint upp við mig. Hún svarar. Þá er þetta barnung dóttir hennar með eitthvað bla bla bla.... allavegana. Snyrtifræðingurinn talar við hana og er með símann í annarri hendinni og réttir spegilinn upp að mér til að sjá árangurinn með hinni og heldur áfram að tala!

Sæll, mér fannst þetta eitthvað svo óviðeigandi.

Kveðja, ein hneyksluð prinsessa.

12/11 2015

Vinni vinni vinni vinni vinn

11/11 2015

Viðburðaríkur dagur.

Ég var stressuð fyrir húsfundinn um kvöldið. Maður er náttúrulega með vesen fyrir fullt af fólki með því að geta ekki sofið við mótorhljóð. Þannig að hádegisfyrirlesturinn sem var í boði í vinnunni var svo viðeigandi og kærkominn. Ásdís Olsen kom og hélt fyrirlestur um Mindfulness á vinnustaðnum og var svo með hugleiðsluæfingu líka. Þetta bjargaði deginum. Alveg og alla leið. Takk vinnan og takk Ásdís:)

Bekkjarkvöldið hjá Stefáni gekk rosalega vel. Strákurinn stóð sig svo vel að við brostum hringinn ég, mamma og Svanur og Óli. Stefán hafði beðið um að fá að vera sögumaður í leikritinu og svo stóð hann sig svona líka vel. Las hægt og skýrt og rólega og allt. Þetta var bara frábært:) Eins og gengur og gerist þegar 7 ára börn eru að sýna leikrit var þetta allt saman rosa krúttlegt og allir svo lukkulegir með þetta. Lengdin á leikritinu var líka fín, ekki of langt. Rosalega vel heppnað.

Svo kom blessaður húsfundurinn. Hann styrkir allavegana þrána eftir einbýlishúsinu/raðhúsinu þar sem maður þarf ekki að biðja fólk vinsamlegast hvort maður geti fengið að sofa í friði. Súrt að þurfa að horfa upp á nágranna sinn gefa skít í svefnleysið hjá manni. Bara virkilega óþolandi og erfitt. Það sýndu þessu flestir eða eiginlega allir skilning en svo var einn sem er okkar megin og hefur verið svona kunningi okkar sem sýndi þessu engan skilning. Missti allt álit á manninum í kjölfarið. Allt.

Allavegana, mig langar ekkert sérstaklega til að búa í þessari blokk lengur. Langar að flytja. En þar sem maður er búin að panta flug til Bali og borga og á svo eftir að borga nokkur hundruð þúsund í viðbót fyrir þá ferð þá sé ég það ekki alveg vera að fara gerast á næstunni. Mér skilst að sprauturnar sem ég þarf að fá áður en ég fer kosti líka á milli 50-100 þúsund.

Svo er líka spurning um að "fórna sér" og flytja inn í stofu til að lúffa fyrir nágrönnunum. Hvað ætli kosti að gera millivegg?

10/11 2015

Dóttir mín er svo mikil dúlla.

Guðrún Halla talar ekki mjög skýrt, hún er 2ja ára, en hún notar h-hljóðið fyrir flesta stafi sem hún getur ekki sagt núna. Þannig er djús "hús" og Latibær "Habæ" o.s.fr...

Hún krúttaði yfir sig núna um daginn þegar hún vildi fá að "hofa Hóru." Hún var mjög einbeitt og alvarleg þegar hún sagði skýrt "Ég vil hofa HÓRU!!"

Og þannig er Dóra landkönnuður komin enn og aftur inn í líf mitt með sitt "Taska, taska" lag og "Ég er kort" lagið sem er þannig að maður segir "Ég er kort" svona 50 sinnum í röð. Hjálpi mér allir heilagir.

Úff. Væri svo til í húsmæðraorlof. Bara heima hjá mér þannig að ég myndi taka til í friði og fá að vera án barna í ótilgreindan tíma. Það er draumurinn.

En þangað til... þá er það Dóra "Hóra" á replay daginn út og daginn inn.

9/11 2015

Eftir lítinn sem engan svefn vegna helvítis kælipressunar í rúminu mínu í ytra og innra barnaherbergjunum mannaði ég mig upp á hringdi í konu sem býr í hinum stigaganginum og notar kæliherbergið sitt mikið og fékk leyfi hennar vegna til að slökkva á þessu dæmi fyrir nóttina.

Af hverju á ég ekki bara heima í einbýlishúsi??!! Það væri langbest fyrir alla.

Var næstum búin að slasa mig í nótt. Skreið hálfsofandi í efri kojuna í innra barnaherbergi þar sem Emilía sefur. Heyrði ennþá í helvítinu og vildi loka hurðinni sem var opin í myrkrinu. Hefði alveg getað dottið niður úr kojunni og lent illa á meðan ég var að reyna að ná í hurðina.

Af hverju í andskotanum er ég láta bjóða mér upp á þetta? #fml

8/11 2015

Svo skrýtið hvernig allt raðast stundum á sama daginn.

Núna er allt - ALLT - að fara gerast á miðvikudaginn 11/11. Það er spes hádegismatur og fyrirlestur í vinnunni og svo er fundur.

Stefán Máni er sögumaður í leikritinu í sínum bekk en það er einmitt bekkjarkvöld þennan dag.

Tengdapabbi verður 75 ára þennan dag.

Síðast en ekki síst þá er húsfundur vegna kælipressunnar.

Það er nú ansi sterkt að hafa uppáskrifað frá Heilbrigðiseftirlitinu að þessum látum verði að linna. Og það 15. nóvember. Sé fyrir endann á þessari martröð.

7/11 2015

Orðin guðhrædd og meyr í öllu þessu svefnleysi.

Verð ég í alvörunni stödd einhvers staðar á miðbaug jarðar á 3ja ára afmæli uppáhalds dóttur minnar? Í alvörunni? Hún elskar afmæli og ef einhver á afmæli þá finnst henni að hún eigi sjálf afmæli. Hún sýndi mér í fyrsta skiptið hvað hún er gömul með puttunum í dag.

Þær sögðu mér í leikskólanum að eitt barnanna á deildinni hefði átt afmæli um daginn og að hún hafi sungið afmælissönginn hæst allra. Bara mjög hátt. Litla skinnið mitt.

Omg.

6/1 2015

Svo þreytt þennan dag vegna kælipressutengdrar svefnlausrar nóttu. Núna þarf að ég lifa við þetta helvíti í viku í viðbót. Við færðum rúmið mitt inn í herbergið hans Óla en hann svaf í kojunni.

Það heyrist líka í helvítis fokking mótornum inn í því herbergi.

Fuck My Life.

5/1 2015

Vinni vinni vinni vinni vinn.

Eigandi bílastæðis í Grjótaþorpinu kenndi mér lexíu þegar ég fékk stæðið hans lánað í smá stund með því að leggja fyrir aftan mig svo ég komst ekki í burtu. Mér til varnar þá var stæðið ekki merkt. Lét mig dúsa þarna í hálftíma.

4/1 2015

Það er búið að kalla til húsfundar í næstu viku vegna kælipressunnar. Ég er svo fegin að þetta er bráðum að verða búið. Get ekki lýst því. Er farin að poppa svefnpillur til að geta sofið.

3/1 2015

Ég er búin að fá heilbrigðiseftirlitið hingað sem sendi húsfélaginu bréf. Þau hafa til 15. nóvember til að útrýma þessu hljóði.

Köld eru kvennaráð.

2/1 2015

Þessi dagur var hræðilegur. Alger martröð. Kælipressan vakti mig svona sirka 5 sinnum um nóttina. Þetta er svo súrrealískt að lifa við vélarhljóð í svefnherberginu.

1/1 2015

Hvaða, hvaða...

svo var nú bara indælt að hitta þau. Kærleikurinn flæðir.

There's a limit to that love though.

31/10 2015

tengdafólkið að norðan komið í borg óttans. Guð blessi Ísland.

30/10 2015

What?! Svava fer út annað kvöldið í röð. Í þetta sinn á uppistand í Háskólabíó þar sem aðaluppistandarinn ældi hatri sínu út um allt og kvartaði yfir að hafa yfir höfuð fæðst. Ó, þú lágmenning.

29/10 2015

Yoga moves kvöld.

Trylltur dans og djúpslökun við lifandi gong. Getur kona beðið um meira?

28/10 2015

Er þannig gerð að ég verð að hnýta lausa enda. Get ekki endað tengslum við aðra manneskju í gremju. Náði sáttum við ákveðinn aðila og flýt nú um í sjöunda himni. Fargi af mér leitt. Get nú kvatt þennan vin og haldið áfram.

27/10 2015

Finn hemóglúbínið magnast og er svo glöð með það. Þarf ekki lengur að fara heim að leggja mig vegna þreytu. Æðislegt. Svo gott.

25/10 2015

Barnaafmæli er eins góð afsökun og önnur fyrir að dressa sig upp og gellast smá.

Mental note to self: finna og horfa á myndina When Stella got her groove back.

24/10 2015

Prinsessur eins og ég eiga ekki að þurfa að búa í fjölbýlishúsi í borgarkjarnanum. Það er bara þannig.

23/10 2015

Af eilífri viðleitni minni til að láta mér líða vel og vera ánægð með sjálfa mig fór ég (aftur) í litun.

Úr því að vera dökkhærð í það að vera ljóshærð. Var ekki alveg að fíla mig svona dökkhærða.

Í sál minni er ég ljóshærð. Það er bara þannig.

Finnst ég flottari svona. Það skrýtna er að enginn sagði orð!

Ekki Svanur, ekki míns eigin móðir, vinnufélagi, börnin mín.. Enginn!

Mér finnst nú alveg dáldil breyting að vera alveg dökkhærð og verða svo (aftur) alveg ljóshærð...

Things that make you go hmmmmm...

22/10 2015

Yoga moves.

Þreytta húsmóðirin ákvað að stíga út fyrir þægindarammann og fara í Yoga moves tíma á dansverkstæðinu við Skúlagötu.

Hef farið í tíma hjá stráknum sem er með þessa tíma og finnst hann svo æðislegur gaur og magnaður yogakennari. Enda var þetta alveg magnað.

Hann byrjar alltaf á að segja eitthvað æðislegt. Eitthvað sem maður þarf að heyra akkúrat á því augnabliki sem hann segir það. Svo eru yogaæfingar í smá tíma og svo kom það skemmtilegasta.

Þarna var dj og svo voru yogamotturnar settar til hliðar og farið að dansa. Mikið sem það var gott. Mögnuð útrás. Fólk alveg sleppti sér. Ég líka:) Það var æði, allir brosandi og svo góður fílingur í loftinu. Svo voru gerðar alls konar æfingar og í endann var heilunarflæði, slökun og sam-ómun.

Mmmmm, akkúrat sem ég þurfti.

Ást og friður.

21/10 2015

Loksins almennilegur CD.

Næstur í röðinni var OM (sanctuary.) Það er bara eitt lag og það eru búddar að óma saman. Geðveikt.

Svo róandi. Þessi fer á ipodinn og spilast þegar þarf að róast.

Word.

20/10 2015

Sjáiði, hvað þetta er falleg dagsetning. :)

20, 10, 20, 15. Dásamlegt.

Náði að sofa í nótt svo að þessi dagur er öllu bærilegri. Guðrún Halla fór í leikskólann í morgun en ég verð að viðurkenna að mig langar mest til að sækja hana snemma.. hún hlýtur að vera ennþá slöpp...

19/10 2015

Úps.

Guðrún Halla veik. Hafði gubbað um nóttina og var með hita og var slöpp:/ Ég hafði lítið sofið um nóttina, fyrst út af GH en svo gat ég ekki sofið fyrir helvítis kælipressunni.

Var hálf í vinnunni og alveg ógeðslega þreytt og drulluslöpp.

18/10 2015

Fann hjá mér þörf fyrir að fara í Ashtanga yoga þrátt fyrir að hafa verið á árshátíð deginum áður að dansa og ég fór reyndar líka í zumba í gær.

Fann því fyrir verulegri þreytu eftir tímann. Tókum okkur samt til og tókum vel til í íbúðinni þennan dag..

17/10 2015

Árshátíð:)

hún var nú bara með hefðbundnu sniði þetta kvöld, allt í lagi. Hún var á Icelandair hotel Natura. Heiðar Ástvalds held ég að hann heiti sem er með dansskólann var veislustjórinn og þetta gekk allt smurt fyrir sig.

Það var góður matur, happdrætti, starfsviðurkenningar (þar sem ég fékk 5 ára starfsviðurkenningu..;))

svo var dansað og gaman. Fannst nú alveg gaman að dansa en svo var þetta bara komið gott. Svanur var með mér og við höfðum mætt upp úr kl. 17 í forpartýið upp á skrifstofu..

Já, já..

16/10 2015

Þannig að ég var fljót að taka næsta disk í skápnum sem var reyndar líka Placebo diskur. Bara annar...

Mér leið alveg eins með hann. Ekkert spes. Er svo ekki á sama stað og fyrir 18 árum. Guði sé lof.

15/10 2015

Jæja, diskurinn sem var næstur á dagskrá úr skápnum og í bílinn var einhver Placebo diskur. Man ekki hvað hann heitir en ég fékk hann skrifaðan í jólagjöf frá Tryggva bróður með útprentuðu coveri og svona. Það var nú þáverandi kærasta hans sem gerði þetta allt saman..

allavegana, þetta voru ekkert svo gleðilegir endurfundir.

Ég er að verða meiri kelling með hverjum deginum og finnst þessi tónlist ekkert svo kúl lengur. Bara eitthvað væl og angurværð og reyndar kannski eitt lag á þessum diski sem var oft spilað í den og flestir sem voru ungir fyrir svona.... 18 árum ætti að þekkja.

Mér finnst þeir ekkert spes núna en man að ég fílaði þá alveg í ræmur í den.

14/10 2015

Þannig að ég er sem sagt að fara til Bali í byrjun mars 2016. 10 daga fjarvera sem þessi húsmóðir verður frá þessu heimili.

Það er ágætt að hafa þessa gulrót í vetur þegar veður versnar..

13/10 2015

... allavegana, kona á ferðaskrifstofu sendi okkur tillögu sem ég var nú ekkert rosalega hrifin af vegna þess að þá er fyrst flogið til Frankfurt og svo þarf að bíða þar í 10 tíma áður en flogið er til Singapore þar sem maður hefur innan við klukkutíma í að koma sér í næstu vél...

svo ég bað um aðra tillögu sem kom í ljós að var eitthvað svipað.. flogið til Svíþjóðar og bið þar í 10 tíma, svo flogið til Qatar... allavegana, vorum búnar að ákveða að vilja vera samferða og þetta hringsnerist í hausnum á mér.

Vinnufélagarnir gerðu gys að mér fyrir að vera með svona lúxusvandamál en ég var/er svo áhyggjufull yfir að vera yfir mig þreytt. Það er flogið til Frankfurt um kl. 07:35 sem þýðir að sú nótt er ónýt og svo þarf maður að sofa næstu nótt í flugvél:( aumingja ég... Æ, þegiðu Svava.

Allavegana, Frankfurt leggurinn varð ofan á. Vissi ekki fyrr en ferðafélagar mínir, konur sem ég hef ekki hitt, voru búnar að kaupa leiðina sem fór síhækkandi. Þennan dag var hún 10000 kr dýrari heldur en deginum áður.

Stressaðist öll upp og keypti miðann. Smá spennufall á eftir. Líka mikið áreiti í vinnunni og ég var að senda þeim þessar tillögur í tölvupósti og tilkynna á síðuna og blablabla....

12/10 2015

Þessi dagur fór í að stressast út af fyrirhugaðri Bali ferð.

Þetta er námskeiðið (retreatið) og hótelið saman í einu verði og svo flugið sér.

Fór að fá pósta frá Gyðjunum að þeir sem væru á VIP listanum yrðu nú að fara bóka sem ég og gerði. Líka að mikilvægt væri að fara huga að fluginu og borga það og svona... það er hópur á fb sem við erum í ...

11/10 2015

Góður sunnudagur.

Er reyndar voða þreytt og sybbin en fór í yoga í morgun sem einhvern veginn kemur aldrei í bakið á manni. Vil helst ekki fara meira út í dag.

10/10 2015

Góður laugardagur.

Vann smá. Fór í bíó á The Intern með Önnu Láru. Mjög góð mynd, svona feel good mynd. Grenjaði smá yfir henni eftir hlé.. oh, get verið svo viðkvæm þegar kemur að málefnum hjartans:/

Hringdum og pöntuðum á Saffran, sóttum og fórum heim til Beggu sín í gott spjall. Góður matur, góður félagsskapur, gott kvöld:)

9/10 2015

Óvenjumikið að gera í vinnunni miðað við föstudag.

8/10 2015

Svaf vel. Æðislegur dagur. Allt er frábært:)

7/10 2015

Svaf illa um nóttina. Helvítis kælipressan. Erfiður dagur.

6/10 2015

Vinni vinni vinni vinni vinn.

Fór í mjög skemmtilegan pallatíma í hádeginu:)

5/10 2015

Ok.

Ég ætla ekki að gera þetta aftur á næsta ári að blogga á hverjum degi.

Ég meina, eins og þessi dagur. Þetta var bara ósköp venjulegur vinnudagur og bara voða lítið við það að bæta...;)

Ætla að verða menningarlegri í meistaramánuðnum. Fann alveg fyrir því í fjölskylduboðinu á laugardaginn að maður þarf að horfa meira á fréttir og svona þætti eins og Vikan og Kastljós og svona. Þannig að markmiðið mitt í meistaramánuðnum er að verða meðvitaðri um það sem er í gangi innanlands og utan.

Lago.

4/10 2015

Einmitt mjög skrýtið með þennan dag að ég var bara rosa hress og til í allt.

Það var mígandi rigning en ég fór og útréttaði, fór í apótek og í Kringluna með elsku mömmu sem ég elska svo mikið. Versluðum og spjölluðum á kaffihúsi sem var auðvitað frábært og æðislegt.

Fór svo og hitti Siggú í Hafnarfirði í kaffi og langan göngutúr sem var náttúrulega bara æði líka. Svo ánægð með þennan dag:)

Allt er frábært þegar orkan er í lagi.

3/10 2015

þetta var dáldið spes laugardagur.

Mætti alveg spræk í zumba og þetta var rosalega góður tími. Mér fannst svo gaman að það voru teknir gömlu dansarnir frá því að ég byrjaði fyrst. Það var æði:)

Síðan varð ég nefnilega rosalega þreytt. Bara alveg eins og orkan hefði sogast út úr mér:/ það var sérstaklega leiðinlegt af því að það var fjölskyldukaffi og afmæli og ég var að hitta fólkið mitt í fyrsta skiptið í langan tíma. Það var samt alveg gaman.

Ég bara verð að verða mér út um meiri blóðmör. Fór í Krónuna um daginn og það var ekki til! Soðin blóðmör var til (það stendur reyndar "soðinn" með tveimur n-um sem ég skil ekki alveg) en ekki svona frosin(n)..

Er sem sagt ennþá í veseni með orkuna mína sem er ekkert rosalega gott. En þetta kemur Svava mín, já já.

2/10 2015

Ég finn áþreifanlega fyrir því að lífið mitt er að breytast til hins betra. Í dag og í gær labbaði Stefán Máni sjálfur heim af frístundaheimilinu. Hann gerir það héðan í frá. Mér finnst þetta æði:)

Fór og sótti Guðrúnu Höllu og upplifði smá skelfingu þar sem hún var úti að leika en við fundum hana ekki. Úff, þetta var alveg mínúta þar sem mér stóð eiginlega ekki á sama en þá fann ég hana inn í svona dæmi undir kastalanum. Phew...

Í dag legg ég fína svarta þunna jakkanum mínum. Það er orðið of kalt. Brrr.. Mig vantar soft shell jakka. Ó já.

1/10 2015

Þetta var skelfilegur dagur.

Hafði sofið illa um nóttina. Vaknaði annað hvort við víbringinn frá helvítis kælipressunni sem er undir svefnherberginu eða vaknaði og gat ekki sofnað fyrir látunum í helvítis pressunni. Ef þetta gerist einu sinni enn þá slekk ég á henni fjandinn hafi það.

Það kemur sér nú vel að Svanur sé formaður húsfélagsins. Hann er nú búinn að reyna alveg fullt til að hljóðdeyfa þetta en það er ekki að virka.

Þetta er skólabókardæmi um það sem ég er að lesa um í bókinni Karlar eru frá mars, konur frá Venus þar sem segir frá því að Venusardísir þurfa að ræða vandamálin. En þegar ég ræði þetta við Svan þá hagar hann sér alveg eins og bókin segir til um; finnst eins og ég sé að ásaka sig um að standa sig ekki. Hann veit greinilega ekki að Venusardísir þurfa að ræða málin. Þá líður þeim betur!

Oh, þessir karlar.

Og með þessa kælipressu get ég sagt að það er verið að fórna hamingju fjögurra íbúða sem eru beint fyrir ofan helvítið til að aðrir íbúar geta verið með kæliherbergið sitt eins og ekkert sé.

Fjandinn hafi það.

Ég komst ekki í keilu með vinnunni eins og ég hafði ætlað mér af því að ég fékk ekki svefninn minn. Aumingja ég! #lúxusvandamál #shutupprincess

30/9 2015

Þetta var góður vinnudagur.

Orkan mín var fín og í vinnunni fór ég á kaffihús niðrí bæ á smá vinnufund með Eddu minni. Það var nice.

Góður dagur.

29/9 2015

Vinni vinni vinni vinni vinn..

28/9 2015

Góður dagur.

Var í miklu stuði í bílnum með Franz Ferdinand á næstum fullu blasti. Fíla þá.

Var líka bara svo ánægð að það var kominn mánudagur. Leiddist um helgina..

27/9 2015

Fórum á Þingvelli í dag.

Það var alveg gaman þangað til að fór að rigna eins og hellt væri úr fötu... Urðum rennandi blaut, alveg í gegn og allt, og drifum okkur heim...

26/9 2015

Þetta var leiðinlegur dagur.

Oftast fíla ég að vera heima svona annan hvorn daginn um helgi og bara dúlla mér og taka til, sérstaklega ef ég hef farið í zumba um morguninn. En þennan dag missti ég af zumba-nu og fór einhvern veginn inn í skelina mína og var bara ferlega einmana heima... Maðurinn er jú félagsvera.

Þetta var dáldið asnalegur dagur. Það var rosalega leiðinlegt veður. Mikið rok og mikil rigning svo að þegar ég fór út að viðra mig fór maskarinn út um allt og þá meina ég; út um allt!

Notaði það sem afsökun fyrir að hanga heima á meðan restin af fjölskyldunni fór í 60 ára afmælishátíð Hlíðaskóla. Ég nennti ekki þar sem þetta var inni og vísast til fullt, fullt af fólki... Ég er skrýtin með þetta. Ég fíla ekki Kringluna og Smáralind og Ikea og svona. Leiðist svona staðir alveg rosalega mikið. Finnst þeir vera orkusugur kapitalismans einhvern veginn... Æ, ég er nú meiri hippinn.. Hefði nú alveg gott af því að fara kíkja í fatabúðir og fríska aðeins upp á úrvalið í fataskápnum sko.... 

25/9 2015

Fór í góðan hot yoga tíma í Sólir, yogastöðinni út á Granda.

Þetta var bara virkilega góður tími og ég var bara frekar endurnærð á eftir sem mér fannst sérstakt af því að oftast verð ég bara dáldið mikið þreytt eftir þessa tíma og upplifi ekki endurnæringuna fyrr en daginn eftir...

Góður dagur:)

24/9 2015

Whoop whoopidi whoop whoop!

Bali í mars.

Omg.

23/9 2015

Portishead.

Þetta var næsti cd-inn í yfirferðinni yfir gömlu geisladiskana....

Þetta er nú meira vælið. Liggur við að mig langi til að henda þessu.. Þessi diskur hefur nú samt eitthvað tilfinningalegt vægi þó það sé nú ekki mikið. Einhverjar minningar þó ég geti ekki alveg bent á hvaða minningar. Þessi diskur minnir mig bara á sirka 1998 eða eitthvað svoleiðis? Einhverjar rámar wisky taugar þarna þó ég hafi aldrei drukkið wisky.

Hhmmm...

22/9 2015

Silfurbuxurnar.

Í um 20 ár er ég búin að vera með silfurbuxurnar mínar í fataskápnum. Rosa flottar. Ég hef líklegast verið alger gella í þeim.

Þar sem ég nú alltaf með tiltektaræði og er nú ekki að yngjast ákvað ég að fara í þær í hádeginu í dag. Ég meina annað hvort notar maður föt eða ekki, right?

En svo bara pössuðu þær ekkert svo vel. Það er alltaf maginn sem hangir yfir buxnastrengnum:/ svo voru þær dáldið skítugar bara og svona, eru náttúrulega orðnar yfir 20 ára gamlar svo ég ákvað núna að gefa þær til Rauða krossins.

Já, það er dáldil eftirsjá í þeim. Þær eru djöfulli flottar EN.. svona er þetta bara. Maður getur ekki endalaust hangið í fortíðinni....

Æ, shit. Á ég kannski að hafa þær til minningar?

21/9 2015

Lúxusvandamál.

Ok, markmiðið er að fara út í frí í febrúar. Vandamálið er hvað gera skal...

Fyrst var ég búin að ákveða að fara í yogaretreat eitthvað... en svo er það eitthvað svo flókið. Langar eiginlega ekki ein og veit ekki hvert ég á að fara eða hvað. Svo langaði mig í sólina og ákvað að við myndum kannski fara, ég, Svanur, SMS og GHS. EEeen, svo bara fattaði ég að þetta yrði ekkert frí verandi með börnin. Það eru þau sem ég þarf frí frá... ekki get ég farið ein í sólina með Svan því ég held að við séum ekki með pössun í heila viku. Ég er reyndar ekki viss um að við séum með pössun yfir höfuð....

Þannig að núna er ég að spá í langa helgi... borgarferð. Bara við tvö...

Ef við erum með pössun..

20/9 2015

Athyglisverð bók, þessi Karlar eru frá Mars, konur frá Venus.

Ég er nú bara rétt byrjuð en mikið meikar þetta mikið sens!

Kannast alveg við þessa hellisbúahegðun ... kannski ekki hjá Svani en öðrum karlmönnum.

Athyglisvert....

19/9 2015

Þennan dag byrjaði ég á þessari bók;

Kominn tími til að komast til botns í þessu máli sem er að reyna að skilja karlmennina í lífi mínu.

18/9 2015

Sumir dagar eru betri en aðrir. Þessi var einn af þeim.

Það helgaðist svona aðallega af því að ég fór á hárgreiðslustofu á Skólavörðustígnum og gerði dáldið drastískt.

Fór sem sagt frá því að vera ljóshærð yfir í að vera dökkhærð.

Ný ég og ég er svo ánægð:)

Svo var þessi dagur glimrandi fallegur líka og öll vikan bara æðislega falleg. Meira svona!

17/9 2015

MMMmmmm,

er komin með nýtt æði, sem ég veit ekki hvað heitir. Maður mixar þessu saman í svona litla glerkrukku, hristir, setur inn í ísskáp og borðar daginn eftir. Þetta er svo góð næring og svo góður magafyllir að manni líður dásamlega á eftir. Þessi réttur gefur jafna orku yfir daginn.

100 ml ab mjólk
100 ml kókos mjólk
3 msk chia fræ
sirka 15 bláber (eða aðrir ávextir)
nokkur goji ber ef til vill.

Elska þetta. Elska.

16/9 2015

Þennan dag fór ég í göngutúr í hádeginu með Boggý minni í vinnunni. Tókum gamla rúntinn okkar í Kópavoginum og höfðum gott af. Alltaf gott að labba og skrafa aðeins saman.

Fór svo í sund reyndar líka þennan dag. Er að drepast í bakinu:/

15/9 2015

Þessi dagur var skemmtilegur.

Fór með Eddu minni í vinnunni á kaffihús og við tókum léttan vinnufund. Það var stemmning í því.

Þessi vika er svo æðisleg veðurlega séð að það er bara allt æðislegt, sérstaklega úti. Hver glimrandi fallegi dagurinn á eftir öðrum. MMMmmm...

14/9 2015

Þennan dag var ég rosalega góð við mig.

Fór svo mikið að hugsa um Friends þættina og hvað ég saknaði þeirra mikið og þarfnaðist þeirra. Vissi ekki hvernig ég gat endurnýjað kynnin nema að .....

.... kaupa bara allar seríurnar í einum pakka! Pha! :D

Fór eins og í leiðslu inn í Elko með einbeittan ásetning um að verða mér út um pakkann. Mér til mikillar gleði kostaði hann "bara" 11.000 kall sirka en síðast þegar ég tékkaði fyrir sirka tveimur árum þá kostaði þessi pakki um 25.000 kr. í Skeifunni.

Allavegana, er búin að sitja hérna heima í sæluvímu og horfa á þessar elskur. Mikið sem ég saknaði þeirra!

P.s. mig langar í hárið hennar Rachelar.

13/9 2015

Sit hérna í sófanum inn í stofu og öfunda barnlausa fertuga íslenska konu sem er í sjónvarpinu í þættinum hans Sindra Á uppleið.

Þessi kona vinnur fyrir Sameinuðu þjóðirnar og ferðast um allan heim að gera góða hluti. Núna býr hún sem sagt í New York og þjáist alveg örugglega ekki af blóðleysi og því sem gerist við konu þegar kona er búin að vera með börn undir fimm ára í rúm 13 ár....

Heppna, heppna kona.

Það eru "terrible two's" í gangi alla leið hjá henni Höllu minni núna og er búið að vera lengi. Það er svo erfitt að rökræða við tveggja ára barn og það er svo erfitt að þau trufla mann svona helst þegar maður má alls ekki við truflunum. 

Já, og borðaði heilan svona kassa.

12/9 2015

Var óeðlilega rosalega þreytt líka þennan dag en þessi dagur var samt alveg æðislegur. Gullfallegur, glimrandi fagur dagur með Beggu minni í Reykjadal:)

Borðaði svo ofboðslega góðan mat í Hliðsnesinu þar sem Guðrún Halla var hjá afa og ömmu.

Góður dagur:)

11/9 2015

Fór með mömmu í leikhús um kvöldið. Fórum að sjá Dúkkuheimilið í Borgarleikhúsinu.

Fínasta sýning en hefði mátt vera aðeins styttri...

10/9 2015

og þennan ...

9/9 2015

Voða þreytt þennan dag líka:/

8/9 2015

Er ennþá þakklát fyrir rólega viku.

Er voða þreytt þessa viku. Það eru nokkrir dagar í blæðingar og þá dregur mjög úr kraftinum hjá örvæntingafullu húsmóðurinni okkar.

Þessa vikuna er hún þreytt og skapstygg.

Ætli það séu til lyf við þessu?

7/9 2015

í dag er ég þakklát fyrir rólegan mánudag. Þurfti svoooo mikið á því að halda að þessi dagur væri rólegur. Svo gott.

í dag er ég líka þakklát fyrir að búa í landi (á eyju) þar sem ríkir friður. Börnin okkar og við höfum öruggt þak yfir höfuðið og þurfum ekki að hafa áhyggjur af því að vera á vergangi eða að vakna við sprengjur.

Ég er þakklát fyrir að ég finn fyrir meira jafnvægi. Ég er þakklát fyrir að hafa getað hætt á kvíðalyfjunum án teljandi vandræða. Ég veit að ég á eftir að finna fyrir meiri hugarró núna í vetur heldur en síðasta vetur. Það er gott að vita það og fyrir það er ég þakklát.

Ég er þakklát fyrir að eiga góðar vinkonur. Það er góð tilfinning að fá messenger BLING! í tíma og ótíma frá vinkonum sem vilja spjalla. Ég er óendanlega þakklát fyrir það. Ég er líka þakklát fyrir að vita hverjir eru ekki svo miklir vinir þó það hafi verið sárt að fatta það.

Oprah hafði rétt fyrir sér og allar þær sem benda á að þetta sé svona gefandi að halda þakklætisdagbók. Er farin að skrifa í svona smá þakklætis-dagbók en í dag pikka ég þetta frekar hér inn.

Eigið góðan dag, mamma, Erla og Tinna:)

6/9 2015

Þessi sunnudagur var rólegur eins og sunnudagar eiga að vera.

Fór í Hafnarfjörðinn og hitti Siggú vinkonu og við fórum saman í göngutúr. Það var æði:)

Við erum dáldið svona "like-minded." Ekki að öllu leyti auðvitað en svona að miklu leyti allavegana..

Gott að eiga góða vini.

5/9 2015

Hmmm laugardagurinn..

Já, alveg rétt. Fór í roooosalega góðan zumbatíma. Bara æðislegan.

Finnst rosa gaman að dansa og syngja með og ... af því að það er svo mikið stuð þarna ... öskra.

Sko, ég er ekkert sú eina. Þau byrja að öskra svona VVÚUÚÚUUÚUU!! á sviðinu og þá gerir salurinn það líka. Og ég elska það.

Það er ástæðan fyrir því að ég stilla mér alltaf upp aðeins fyrir framan frænkur mínar, svo ég geti fengið smá útrás. Myndi alls ekki öskra svona mikið ef þær væru við hliðina á mér...:)

Er rosa glöð að zumba á laugardögum er byrjað aftur. Það er æði:)

4/9 2015

Mér finnst svo undarlegt hvernig sumir "go through people."

Maður átti kannski rosalega góða vinkonu þegar maður var t.d. 15 ára og svo bara búið og bless. Ekki svo góðar vinkonur lengur og hún sýnir ekkert áhuga á að hittast og rifja upp góða tíma eða neitt...

Mér finnst þetta eitthvað svo skrýtið. Núna er ég búin að missa tvo nána samstarfsfélaga bara í síðasta mánuði og mér finnst eitthvað svo óeðlilegt að það sé bara búið og bless. Þetta eru karlmenn og þeir eru bara þannig. Ekki eru þeir að fara að hringja og við förum á kaffihús saman eða eitthvað. Það væri líka óeðlilegt.

Það er bara eitthvað svo skrýtið þegar manneskjur sem maður átti svo mikil og svo löng dagleg samskipti við eru bara horfnar út úr lífinu manns og maður veit að maður er ekkert að fara hitta þá nema kannski af tilviljun aftur.

Spes að fara út massa miklum samskiptum í engin samskipti. Maður hengur einhvern veginn í lausu lofti dáldið.

Og maður er líka öðruvísi bara persónur. Núna er það bara ég og þeir. Ekki vinnu-ég og vinnu-þeir.

Lífið er margslungið.

2/9 2015

Núna er ég að skrifa eftir á það sem ekki hefur gefist tími til að blogga í vikunni vegna gífurlega mikils að gera í vinnunni.

Fundir og fleiri fundir vegna skipulagsbreytinga... Sakna tímans þegar ég hafði tíma til að fara á klóið og svona..

Þennan dag fór ég nú samt í ræktina. Það er forsenda þess að allt gangi upp á öllum vígvöllum að konan nái að fá útrás í hádeginu. Hefði ekkert að gefa ef ég gæfi mér ekki þennan tíma í að hlaða batteríin.

Fór í Step tímann sem ég fór alltaf í síðasta vetur en hafði svo ekki heilsu til eftir að þetta með hryggskekkjuna kom upp. Fannst ég vera ferlega þung á mér og klunnaleg í hreyfingum. Var alveg búin að gleyma hvað þetta eru flókin spor hjá henni Önnu Siggu...


Er að fatta núna að ég er að rugla saman dögum. Fór í þennan tíma 1/9 á þriðjudegi en í hádeginu á miðvikudeginum 2/9 fór ég á kaffihús með henni Eddu minni sem vinnur með mér. Frábær stelpa sem skilur mig og ég get sagt allt við, eða svona næstum því...;)

1/9 2015

"Doing what you love is the cornerstone of having abundance in your life."

Þetta er quote sem talaði til mín. Ég sá það á facebook en það var sett þarna af því að höfundurinn af því (ekki það að einhverjum hafi ekki dottið þetta í hug fyrr) lést núna í ágúst. Hann heitir Wayne Dyer.

Þegar ég hugsa um hvað ég elska að gera dettur mér bara í hug yoga, göngutúrar, fjallgöngur, öll hreyfing, það að vera berfætt út í skógi þegar það er hlýtt, labba berfætt á grasinu.... Það er engin atvinna sem ég get hugsað mér að vinna við sem ég ELSKA að gera.

Kannski að vinna á einhverju yogasetri eða eitthvað en hey, ég er með 6 manna fjölskyldu svo það er ekki að fara að gerast í bráðina... Svo ég get nú bara ekki annað en verið þakklát að vera í vinnu með skemmtilegum vinnufélögum sem gefur mér frelsi til að einmitt komast í yoga, göngutúra og hreyfingu og sund þegar mér hentar.

Ætti í rauninni að vera þakklát.

30/8 2015

Þessi sunnudagur var æði.

Fór í Ashtanga yoga um morguninn sem var æði og svo seinna um daginn kom hún Tinna mín og við fórum í göngutúr í Heiðmörk saman.

Ekta sunnudax. MMMmmmm....

29/8 2015

Þessi dagur var helgaður heimilinu.

Ráðskona óskast reyndar á þetta heimili. Kaupið er ekkert nema ánægjan. Þegar við erum heima má hún vinsamlegast fara út með börnin og vera þar alveg fram að matartíma. Áhugasamir sendið fyrirspurnir á ókeypisadstod@heima.is.

Hér er alltaf allt á hvolfi sem er ástand sem ég höndla ekkert rosalega vel. Mér finnst rosa erfitt að búa á stað þar sem allt er ekki í röð og reglu.

Úff. Ryksugan á fullu, tekur alla drullu trallalalalalalalalala lala

:)

28/8 2015

Um kvöldið fór ég á gamanmyndina Vacation í Sambíóunum með Beggu minni.

Skemmtileg gamanmynd og markmiðinu var algerlega náð. Hló og hló og hló.

Takk fyrir okkur mamma:)

27/8 2015

úff...

þessi dagur var heltekinn af heljarinnar drama í vinnunni. Missti alveg hugarróna, tja, fyrir hádegi allavegana..

26/8 2015

Núna tók húsmóðirin til sinna ráða og fór með Guðrúnu Höllu í klippingu bara svona til að bjarga heiðri fjölskyldunnar og hirða um barnið.

Svo gott að sjá hana núna nýklippta og fína:)

25/8 2015

Guðrún Halla er þreytt þessa vikuna. Það gengur mikið á þegar það er verið að færa mann um leikskóla og svona. Ný andlit og nýtt umhverfi. Þetta tekur á.

24/8 2015

Jæja,

þetta er vikan þar sem rútínan kemst aftur á. Skólinn byrjar og allt fellur í "ljúfa" löð með tilheyrandi stressi að koma krökkunum á réttum tíma í skólann.

En þetta hefst.

Húsmóðirin er afar glöð með að allt sé að komast aftur í rútinu. Sérstaklega hefur Stefán Máni gott af því. Núna fer hann að borða ávexti í nestistímanum.

Guði sé lof.

23/8 2015

Jæja,

byrjaði daginn á því að klára að lesa Málverkið eftir Ólaf Jóhann Ólafsson.

Mér finnst bókin æðisleg. Vel skrifuð og athyglisverð. Naut hennar alla leið. Hann virðist hafa djúpt tilfinningalegt innsæi hann Ólafur að mínu mati. Mér finnst merkilegt hvað hann virðist hafa mikla innsýn inn í hugarheim kvenna. Virðist skilja tilfinningalíf þeirra með endæmum vel sem mér finnst stórmerkilegt fyrir þær sakir að flestir karlmenn gera það bara alls, alls ekki.

Bravó, bravó, bravó!

22/8 2015

Þennan dag ætla ég blessunarlega að vera heima hjá mér.

Menningarnótt. So?

21/8 2015

Þennan dag tékkaði ég loksins á Sólir en það er ný yogastöð út á Granda.

Líst rosalega vel á staðinn. Þarna er allt svo flott og vel innréttað og þarna verður mig líklegast að finna í hádeginu á mánudögum og föstudögum í vetur:)

20/8 2015

keypti þessa bók handa mér í dag-ish. Keypti hana í netverslun Pennans um leið og ég keypti skóladótið fyrir strákana sko..

Allavegana, og núna lita ég og lita:)

19/8 2015

Einn af uppáhalds þáttunum mínum núna er Mistressess. Uppáhalds karakterinn minn er Joss. Mér þykir svo gaman á miðvikudögum af því að þá eru þessir þættir á stöð 2:)

18/8 2015

Kæri Guð.

Ég er búin að fara í ófrjósemisaðgerð og er alls, alls ekki að fara eignast fleiri börn. Af hverju þá að láta mann ganga í gegnum þetta mánaðarlega helvíti með tilheyrandi ofsaþreytu, verkjum út um allt og veseni og ógeði.

Why?!?!

17/8 2015

Ég var svo heppin í gærkvöldi að vera boðin til Ingu vinkonu til að hitta "gamlar" skólasystur.

Átti yndislegt kvöld með þeim. Þykir mjög vænt um það. Við erum farnar að hittast einu sinni á ári þegar Tinna kemur heim frá USA. Svo gott og nærandi að hlægja með þeim og skrafa saman.

:)

16/8 2015

Eins gott og það er að fara í burtu er svo gott að vera komin aftur í íslenska haustið. Hef aldrei notið íslensku rigningarinnar betur:)

MMmmm.... fór í Ashtanga tímann minn í morgun. Var búin að hlakka mikið til í að komast í hann út af bakinu mínu en svo leiddist mér eiginlega og langaði bara að komast heim til að taka til.

Húsmóðirin svífur í alsælu um íbúðina og tekur til:)

15/8 2015

Þessi dagur fór í að koma okkur heim.

Svo mikill munur að fara úr ég-veit-ekki-hvað-miklum-hita í íslenska regnið. Fötin voru farin að klístrast við mann á hótelinu um morguninn en svo tók íslenska regnið á móti manni. MMMMMmmm, hvað það var gott!

Tók þessa mynd í flugvélinni. Fannst svo magnað að fara frá þeim stað að vera skýjum ofar á þann stað að vera aftur undir skýjunum;

14/8 2015

Þennan dag var chillað út í eitt við sundlaugarbakkann á hótelinu. Svona eiga dagarnir að vera:)

Löbbuðum svo í H&M og versluðum alveg slatta af fötum. Góð kaup. Mjög heitur dagur. Guði sé lof fyrir Aloe vera:)

13/8 2015

Þennan dag fórum við með bílaleigubíl í Loro garð sem er dýragarður á norðanverðri eynni. Krakkarnir skemmtu sér vel, sáu selasýningu og höfrungasýningu og alls konar dýr. Það hellirigndi en sem betur fer var hægt að kaupa regnslár og regnhlífar í garðinum.

Mér fannst þetta frekar erfiður dagur. Fjórir kröfuharðir og sínöldrandi krakkar í bíl á heitum degi er ekki alveg minn tebolli. Guði sé lof fyrir Svan. Hann stóð sig með stakri prýði eins og alltaf.

Hann mætti nú samt einhvern tímann útvega okkur tveimur næði frá öllum þessum börnum. Það er engu pari hollt að fá aldrei frið.

Tók nú nokkrar myndir í þessum garði en er eiginlega hrifnust af þessari sem er tekin út um gluggann á klóiu;

12/8 2015

Ola! Buones diaz:)

Thessi dagur var klárlega med theim bestu sem ég hef upplifad. Mamma átti afmaeli og vid fognudum sextugsafmaelinu med thví ad fara út ad borda á sjávarréttarveitingastad med Steppe og Kerensu og Owl rétt hjá thar sem thau búa.

Aedislegur dagur í alla stadi. Hér er svo gott ad vera:)

11/8 2015

Thennan dag budust Tryggvi og Jón Brynjar og Erna til ad fara med krakkana aftur í Siam Park. Vid Svanur thádum thad med thokkum og áttum gódan dag med Gudrúnu Hollu. Vorum í sólbadi hér og lobbudum svo medfram strondinni.

Gódur dagur.

10/8 2015

Ola!

Thessi dagur var erfidur. Thad verdur bara ad vidurkennast.

Hitinn hérna og rakinn gerdi thad ad verkum ad einfold ferd í vatnsrennibrautagard vard erfid. Krakkarnir óthreyjufullir og voru bara hálf óþolandi. Sýndu hegðun sem þau myndu aldrei sýna afa og ömmu.

Allavegana, komum frekar seint í Siam Park sem er rosa flottur vatnsrennibrautagardur en krakkarnir skemmtu sér vel sem er jú thad sem á af skipta máli. Tharna var haegt ad fara á kútum upp um á og í kringum gardinn sem thau gerdu. Svo fóru thau í risastóra oldulaug sem var skemmtileg og kastala og rennibrautir.

Thad var spád rigningu thennan dag svo thad voru ekki svo margir í gardinum en thegar vid vorum ad fara kom úrhellisrigning sem gerdi allt frekar erfitt þar sem allir vildu komast út og burt sem fyrst.

Allavegana, vid lifdum thetta af...

Þessi mynd er sko úr bæklingnum...;)

Þess ber að geta að ófrískar konur mega ekki vera í öldulauginni. Þetta veit ég af því ég var spurð tvisvar (TVISVAR) af lífvörðunum þarna hvort ég væri ólétt þegar ég var að skima yfir mannhafið (bókstaflega) að leita að Stefáni og Emilíu.

Úff, þeim fannst þetta ekkert dónaleg spurning!

9/8 2015

Thessi dagur var dásamlegur.

Tanadi hérna á hótelinu (og brann reyndar en allavegana..) Vid lobbudum svo nidur á strond og ég lenti í aevintýri med nokkrum theldokkum konum.

Allavegana, Steppe, Kerensa og Owl komu. Thad var aedi, thau eru svo frábaer og skemmtileg:)

Thetta var bara einn af thessum dogum thar sem allt var aedi. Svanur var reyndar bálreidur vid mig fyrir thessi vidskipti med svortu konunum thví thaer tóku af mér 75 evrur fyrir 5 fléttur. Thetta hefur verid eitthvad um 10.000 kall.

Bornin voru líka stórhneykslud á mér og horfdu á mig stórum augum.

Ég lít bara á thetta sem aevintýri og thetta er gód saga um ókomin ár. Fólkid mitt hafdi líka eitthvad til ad hlaegja ad...

Sleppi thví bara alveg ad setja myndir inn núna. Internetid hérna er mjog lélegt og thaer fara hvort sem er inn á facebook...

adios..

(þessi mynd er sett inn seinna)

8/8 2015

Thessi dagur fór í ad koma okkur á milli landa.

Flugid er langt eda heilir 5 tímar. Thad var frekar mikil ókyrrd í loftinu. Vid flugum med Primera air held ég eda eitthhvad svoleidis og flugfreyjurnar voru allar útlenskar. Vid skildum thaer eiginlega ekkert:)

Lendingin var hraedileg. Vid tókum thrjár stórar dýfur nidur og madur fékk bara fidrildi í magann, thetta var eins og ad vera í rússibana.

Tryggvi bródir var ad hrekkja Ernu hans Jóns Brynjar med ad minna hana á ad eitt staersta flugslys sem ordid hefur gerdist einmitt á Tenerife. Erna er sem sagt flughraedd...

7/8 2015

Ola:)

Núna er ég ad skrifa afturábak thar sem ég er ekki búin ad blogga í nokkra daga. Minnir ad 7/8 hafi verid naest.

Sá dagur fór í ad klára vinnudót fyrir fríid og reyna ad klikkast ekki heima thar sem bornin voru vaegast sagt ótholandi af thví ad thau voru ordin svo spennt. Thrjú elstu voru ekki húsum haef.

Naesta frí verdur svo pottthétt án barna.

Sem betur fer finnst Svani fátt skemmtilegra heldur en ad sjá um bornin thegar hann er heima svo thetta blessadist allt.

Thurftum ad vakna kl 04 naestu nótt til ad fara út á flugvoll.

6/8 2015

Það er svo gott að fara í shalað sitt og anda smá og gera Astanga 1-2 seríuna.

Það er líka svo æðislega góður kennari með tímann sem ég fór í núna. Hún heitir Helga Z. Það að komast svona aðeins út úr hringiðunni til að sinna sjálfum sér er alveg bráðnauðsynlegt.

Þakklát fyrir góðan tíma.

Núna fer að styttast í Tenerife:)

5/8 2015

Vinni vinni vinni vinn...

4/8 2015

Mætti í vinnuna aftur eftir frí. Það er dáldið undarlegt að vera svo að fara í frí aftur eftir þessa viku.

3/8 2015

Yndislegur dagur. Massa hiti og sól í Reykjavíkinni og við Begga fórum í Elliðárdalinn að tana. Gott að verja síðasta deginum í fríinu (fyrir næsta frí..) svona:)

2/8 2015

Þennan dag fór ég í Yogashala í æðislegan tíma hjá gestakennaranum Julie Martin.

Æði, æði, æði:)

1/8 2015

Afrekuðum það að fara með Guðrúnu Höllu og Stefán Mána að sjá fossinn Glym, nota bene næststærsta foss landsins (supposibly.) Nota bene, það var nú Svanur sem sá að mestu leyti um það...

31/7 2015

Úps. Gerði mistök.

Í eilífri leit minni að heilun keypti ég óvart á netinu eitthvað sem ég fattaði síðan að hentar mér alls ekki. Þetta eru svona "tinktúrur" sem Anna Rósa grasalæknir gerir. Mér fannst þetta rosalega sniðugt af því ég fann í netverslun hennar tinktúru fyrir minni blæðingar (meikar sens þar sem ég er blóðlítil) og aðra fyrir uppþembu sem hefur verið vandamál lengi hjá mér.

Fattaði svo þegar ég var búin að borga að þessar tinktúrur innihalda 20% (önnur þeirra) og 30% (hin) vínanda. Ætlaði bara að vera nagli og meika það en eftir að hafa hugsað aðeins málið fattaði ég að það er ekki séns að ég meiki þetta. Ég bara get ekki vínanda. Var sem sagt að henda 8000 kalli út um gluggann:(

Gæti náttúrulega farið niðrí bæ og gefið næsta róna þetta ....

30/7 2015

Þessar tvær:)

Alltaf jafn gaman og gott að hitta Ásdísi og Hrafntinnu. Gott að eiga góða vini:)

29/7 2015

Að vera maður eða mús. Það er spurningin.

Fór til læknis í dag vegna ástandsins á mér. Er máttlítil og orkulítil vegna þessa blóðþurftar/járnleysis. Sólrún vinkona sagði mér að það væri til eitthvað sem heitir járnsprauta sem gæti flýtt fyrir batanum og þess vegna fór ég til læknis í dag. Ómótt og leið illa bara við tilhugsunina um væntanlega blóðprufu....

Sá strax á lækninum, sem var þýsk voða spes kona, að henni leist ekkert á þessa járnsprautu. Það væru aukaverkanir af þessari sprautu og bara vesen. Það væri miklu betra að taka járntöflur og svona. Hún vildi samt endilega fá mig í blóðprufu í fyrramálið til að tékka statusinn á járninu. Voða spennt fyrir að vita niðurstöðuna.

Ég er að spá í að vera mús.

Er nokkuð viss um að niðurstaðan myndi ekki vera að fá járnsprautu.

Mýs eru nú ferlega sætar og fínar.

Ég er ekki maður. Ég er mús.

28/7 2015

Sérvitna húsmóðirin varð sérvitrari í dag.

Er að prufa einhvern hreinsunarkúr sem ég fann á netinu sem á að hreinsa eiturefnin út og hreinsa ristilinn. Þetta á að vera rosa gott fyrir meltinguna. Maður blandar sem sagt 3 dl af vatni saman við 1/10 matskeið af Cayanne pipar dufti og 2 matskeiðum af maple hunang og safa úr hálfri sítrónu. Maður á að drekka 5-8 glös af þessu í 10 daga og ... ta da!

En hvað það væri gaman ef ég myndi þá umbreytast í fegurðardrottningu með rennisléttan maga og þéttari brjóst. Mmmm....

Krossa putta! :)

Ég tek sem sagt járndrykk kvölds og morgna, svo magnesium drykk og núna þetta.

Það er allavegana von mín að þetta allt bjargi mér úr þessu orkuleysi. Sterkari og sterkari með hverjum deginum. Samt ekki vinnufær alveg strax...

27/7 2015

Undarlegur dagur.

Mætti í vinnuna af því að fríið mitt er búið en í ljósi aðstæðna  - afleysingafólk laust til að leysa meira af og ég orkulítil - bauð yfirmaður minn mér að vera áfram í fríi út vikuna.

Vúhúú!!

26/7 2015

Vó.

Ég var að gera brjálaða uppgötvun. Eða sko internetið benti mér á ofsasens sniðugt en það er að nota kókosolíu sem make up remover. Og það virkar!! Þetta er svona mikil "uppgötvun" af því að þetta þýðir að ég þarf aldrei að kaupa make up remover ever again skiluru!

Vó.

25/7 2015

Þennan dag fórum við í Vatnaveröld. Það var æði:)

24/7 2015

Yndislegur dagur í Laugardalnum.

Horfði á Óla keppa á Rey Cup og hitti svo þessa dásemd:

Alltaf jafn gefandi að hitta Tinnu og alltaf eins og við hittumst síðast í gær:) Heppin ég að eiga svona frábæra vinkonu.

23/7 2015

Mikið sem ég er þakklát fyrir sólardaga á þessum síðustu frídögum. Trúi ekki að ég sé að fara að mæta í vinnuna á mánudaginn. Finnst það mjög skrýtið..

Óli keppti einn leik í dag með 4 fl. C. Það varð jafntefli 1 - 1. Geggjað veður. Bara æði.

22/7 2015

... ætli maður viti ekki að allt er breytt þegar unglingurinn er farinn að hætta að vilja láta sjá sig með manni.

Barnið vildi ekki að ég tæki þessa sundlaugarvakt. Fannst það alveg glatað. ...

21/7 2015

Núna snýst allt um Rey cup.

Fór á undirbúningsfund og náði mér í góðar vaktir.. Setningarvakt sem kom svo í ljós að ég þurfti að gera nákvæmlega ekkert og svo núna í kvöld (skrifað á fimmtudegi) er það sundlaugarpartýsvakt. Það á að vera tveggja tíma vakt en núna eru strákarnir ekki í svo miklu stuði fyrir þetta partý og hmm... veit ekkert hvað ég á að gera í unglingasundpartýi í tvo tíma...

Gerum bara gott úr þessu, þetta reddast..

20/7 2015

Úff,

þrátt fyrir að hafa fengið að sofa í friði í þrjár nætur þá er það því miður ekki nóg.

Þessir blessuðu krakkagormar náðu að sjúga úr mér þá orku sem ég hafði náð að byggja upp á svona sirka tveimur tímum.

Ég sem vaknaði svo úthvíld og bara leyfi ég mér að segja næstum því hrukkulaus er alveg búin á því og komin með hrukkurnar aftur.

Hjálpi mér allir heilagir. Ég þarf svona mánuð í burtu frá þessu öllu saman.

19/7 2015

Þetta var æðislegur dagur.

Fór og hitti Svan og börnin í Fljótshlíð. Fórum svo og löbbuðum upp hjá Skógarfossi. Það var dásamlegt. Fann þarna hvað það er sem ég þarf og það er að komast meira út í náttúruna og upp á fjöll.

Yndislegt. Meira svona. Pottþétt.

18/7 2015

Ég var svo ótrúlega heppin (og það hefur eflaust bjargað lífi mínu) að Svanur fór út úr bænum með börnin. Ég bara flaut um á bleiku skýji í algerri alsælu. Hver þarf áfengi eða eiturlyf þegar til eru barnlausar nætur? :)

Fór þess vegna barnlaus í barnaafmæli sem var mjög skrýtið. Það hafði líka skrýtin áhrif á mig að vera svona barnlaus innan um fjölskylduna. Fór að sakna minna barna sem var mjög skrýtið.

Mér var farið að líða virkilega illa yfir útganginum á íbúðinni sem var alveg á hvolfi eftir krakkana. Ákvað að taka til og flokka smádót krakkana sem er nú eiginlega bara Stefáns.

Leigði nýju heimildarmyndina um Kurt Cobein heitinn (söngvara Nirvana.) Úff, fannst átakanlegt að sjá hvað manninum hefur liðið illa. Og ég er greinilega orðinn gömul því mér leist ekki neitt á ruglið sem þau voru í. Shit hvað þau hafa verið í miklu rugli. Manni varð bara óglatt.

En vá, hvað maðurinn var mikill snillingur. RIP elsku Kurt.